Maskinservice

Maskinservice AS var ei maskinforretning i Sykkylven. Bedrifta vart skipa i 1972 av Kåre Melseth og Andor Løseth. Kåre Melseth hadde då lenge drive eit liknande firma åleine. Maskinservice fekk leige lokale i den tidlegare Viko Konfeksjonsfabrikk. I 1975 kjøpte firmaet Platebaren og dreiv også denne forretninga, til 1979.

Maskinservice har drive med sal og service av elektrisk utstyr av ymse slag, dessutan plenklipparar og påhengsmotorar. Viktigast har likevel utstyr til skogbruket vore. Maskinservice var i mange år eit av dei selskapa som selde mest motorsager i heile fylket.

I 1980-åra flytte verksemda til eit lokale på Vik der det tidlegare hadde vore drive landhandel.

Andor Løseth selde bedrifta etter ei tid til Eivind Dale Bolstad. I 2021 flytte Bolstad bedrifta til nye og større lokale på Vikøyra. I 2024 melde bedrifta oppbod.

Kjelde:

• Jon Hole: Handelsnæringa i Sykkylven, Sykkylven 1983.