Olav Aadde
Olav Aadde (fødd 18. desember 1901 i Inderøy, død 3. mai 1975) var lærar ved Jørstad skole i Snåsa. Han var òg ein engasjert fråhaldsmann, som i åra 1937-39 var formann i Inntrøndelagen fylke av Det norske totalistlag. Fyrst på 1930-tallet stifta Olav Aadde eit blandakor som var knytta til fråhaldslaget i Vestbygda i Snåsa. Dette koret øvde i gangen på Jørstad skole, og heldt det gåande i fire-fem år. Aadde var dessutan varaformann i styret til Breide Samvirkelag.
Han var son av bonde Johan Aadde og Gollaug f. Gaundal. Da sonen vart fødd, budde familien på Viken i Inderøy, og i dåpsregisteret i kyrkjeboka ber han namnet Olaf Kristian. Rundt 1907 flytta Aadde-familien til Levanger og garden Lidarheim. Olav Aadde tok eksamen ved Levanger lærerskole i 1922 og byrja året etter ved Jørstad skole.
Aadde var gift med Borghild Brede. I 1934 hadde dei ein son og ei dotter.
Kjelder og litteratur
- Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket
- Olav Aadde i Historisk befolkningsregister
- Kristian Aadde i folketelling 1910 for Inderøy herred fra Digitalarkivet
- Ministerialbok for Sakshaug sokn i Inderøy 1879-1914: Fødte og døpte 1902.
