Ordførarar i Eikefjord kommune
Hopp til navigering
Hopp til søk
Nedanfor er ei liste over ordførarar i Eikefjord kommune. Eikefjord kommune vart utskilt frå Kinn kommune fyrste januar 1923, og var eigen kommune fram til Flora kommune vart oppretta fyrste januar 1964. Frå 2020 er Eikefjord og resten av Flora del av nye Kinn kommune. I desse 41 åra hadde Eikefjord kommune i alt åtte ordførarar, ein av dei satt to perioder.
Liste
| Ordførar | Periode | Yrke | Parti | Merknad | Bilete |
|---|---|---|---|---|---|
| Henrik Svarthumle | 1923-1925 | Kjøpmann | 
| ||
| Kristoffer Langedal | 1926-1928 | Kristoffer Langedal vart valt til ordførar på heradsstyremøte den 14. desember 1925. Langedal og A. Storøy fekk begge 6 stemmer og valget vart avgjort ved loddtrekking. | 
| ||
| Abraham Storøy | 1929-1934 | Lærar | Venstre | Abraham Storøy vart valt til ordførar på møte 20. desember 1928. Han fekk 6 stemmer, Kr. Langedal fekk 5 stemmer. 14. januar 1932 vart Abraham Storøy attvalt til ordførar med 6 stemmer. Kr. Langedal og L. Kalsvik fekk 2 stemmer medan J. Humlestøl fekk ei stemme. Storøy gjekk bort i 1962.[1] | 
|
| Ludvig Langedal | 1935-1941 | Kjøpmann | Ludvig Langedal vart valt til ordførar på heradsstyremøte 28. desember 1934. Han fekk 6 stemmer. A. Storøy fekk 5 stemmer og ei røst var blank. 8 desember 1937 vart Ludvig Langedal attvalt som ordførar med 11 røster. Alf Svarthumle fekk ei røst. Fylkesmann hadde invendingar mot valet, og 20. januar 1938 vart Ludvig Langedal valt til ordførar med akklamasjon. Langedal gjekk bort i 1953.[2] | 
| |
| Leiv Vasset | 1941-1945 | Gardbrukar | Leiv Vasset vart ordførar under krigen. 5. april 1941 var han ordførar i herredsrådets møte. Fram til denne tida hadde han vore varaordførar. Vasset gjekk bort i 1982.[3] | 
| |
| Alf Svarthumle | 1946-1951 | Arbeiderpartiet | 28. desember 1945 vart Alf Svarthumle valgt til ordførar med 6 røster, N. Hovland fekk 5. Fylkesmann hadde innvendingar mot gjennomføringa av valet på formannskapet, og 18. januar 1946 vart det kalla inn til nytt møte. Alf Svarthumle vart på dette møtet valgt til ordførar med 11 røster. | 
| |
| Alfred Høyset | 1952-1959 | Senterpartiet | 
| ||
| Erik Dreyer Hovland | 1960-1961 | Gardbrukar | Senterpartiet | Erik Dreyer Hovland gjekk bort i 2004.[4] | 
|
| Alf Svarthumle | 1962-1963 | Lærar | Arbeiderpartiet | Alf Svarthumle vart valgt for ein ny periode i 1962. Han vart dermed den siste ordføraren i Eikefjord kommune. Han gjekk bort i 1982.[5] |
|
Fotnotar
- ↑ Firda Folkeblad, 15. mars 1962, framsida. Digital versjon på Nettbiblioteket.
- ↑ Firdaposten, 6. mars 1953, side 3. Digital versjon på Nettbiblioteket.
- ↑ Firdaposten, 31. juli 1982, side 3. Digital versjon på Nettbiblioteket.
- ↑ Firdaposten, 13. mars 2004, side 3. Digital versjon på Nettbiblioteket.
- ↑ Firda, 23. juli 1982, side 2. Digital versjon på Nettbiblioteket.