Peder Krabbe (1596–1686)
Peder Krabbe (født 1596 i Surnadal, død 1686 i Aure) var sokneprest til Aure prestegjeld på Nordmøre.
Han vart fødd på Surnadal prestegard. I 1623 vart han sokneprest til Aure. Han er nemnd som prost frå 1654 til 1686.
Han etterlot seg to salmer eller åndelege viser. Lenge var dei berre kjend i eit defekt eksemplar frå 1653 og eit seinare prent frå 1661, men i Peder Rafns visebog finn vi den eine av dei i eit prent datert så tidleg som 1627. Det er ein åndeleg nyttårssang, dikta medan Christian IV sleit i tredveårskrigen - på titelbladet er det ein bøn om at kongen med Gud sin hjelp må komme trygt heim. I det seinare prentet er dette ynskjet sløyfa og erstatta av ein meir ålmenn bøn for kongen. Medan rytmen ikkje er god i prentet frå 1658, er mange ord apostrofert i 1627-prentet, og det tyder på at Krabbe hadde ein god sans for rytme i versa sine.
Vi kjenner til eit par born av Peder Krabbe, her sett opp alfabetisk sidan vi ikkje kjenner årstal for alle.
- Anna Pedersdotter Krabbe, gift med presten Henrik Zachariassøn Holch.
- Maren Pedersdotter Krabbe, arva Espevik etter faren.
- Peder Pederssøn Krabbe (1626–1696), sokneprest til Aure.
- Aarsille Pedersdotter Krabbe, gift med presten Hans Nielssøn Tausan.
Litteratur og kjelder
- Geistligheten i Nord-Norge og Midt-Norge i tiden 1536-1700. Utg. S.T. Dahl. 2000. Digital versjon på Nettbiblioteket.
- Tunold, Solveig: «Norske forfattere i Peder Rafns visebok» i Festskrift til Francis Bull på 50 årsdagen. Utg. Gyldendal. Oslo. 1937. Digital versjon på Nettbiblioteket.
- Todal, Anders: Gardtales i Aure. Utg. Aure, Stemshaug og Valsøyfjord kommunar. Aure. 1965. Digital versjon på Nettbiblioteket.
| Artikkelen Peder Krabbe (1596–1686) er relevant for delprosjektet Prestefolk i Nordland |