Reime (Voss)
Hopp til navigering
Hopp til søk
Den nedlagte butikken på Reime.
Foto: Trond Nygård (2012).
Reime (gnr. 143) er ein matrikkelgard i Raundalen i Voss kommune. Garden var udelt fram til 1751, og besto rundt 1800 av tre bruk. I 1840 vart bruk 4 delt frå, medan det femte bruket oppsto i 1932, då det vart delt frå bnr. 3. Husa på Reime-gardane låg fram til utskiftinga i 1917 ved same tun.
Attåt desse fem bruka, som var såpass store at dei kunne kallast gardsbruk, vart det på 1900-talet solgt unna mange tomter til hus og hytter. Reime skule (bnr. 18 og 35) var i bruk frå 1893 til 1965.
I Norske Gaardnavne vert namnet tolka som dativ fleital av reim (band), «der maa have kunnet bruges om Gaardens langstrakte Jordvei». Uttalen er /rai`me/, genitiv /rai`mis/.
Reimegrend stasjon på Bergensbanen ligg på Reime.
Kjelder og litteratur
- Norske Gaardnavne
- Reime i folketelling 1801 for Voss prestegjeld fra Digitalarkivet
- Reime, Reidar: Reimegrend - folk i hus og hytter, 2013, s. 233-287.