Rikard Berges pris for lokalhistorie
Rikard Berges pris for lokalhistorie er ein pris til fremje av godt lokalhistorisk arbeid i Telemark. Prisen blir delt ut av styret i Telemark historielag etter innstilling frå ein komite sett saman av tre personar. Historikarmiljøet tilknytta Universitetet i Sørøst-Noreg, studiestad Bø, Telemark Museum og styret i Telemark historielag vel éin representant kvar. Medlemane skal veljast for tre år om gongen. Representanten for historielaget leier arbeidet i komiteen. Prisen er for tida (2018) på kr 5000,- og eit diplom, og blir delt ut under historielaget sitt årlege seminar.
Prisvinnarar
2020 og 2021: Torstein Kiil og Stråholmen, og Helge Songe og Tom Nilsen
2019: Ingulv Burvald
2018: Harald Nikman og Halvard Kårstein
2017: Kviteseid historielag og Vest-Telemark Museum
2016: Skotfoss historielag
2015: Aasta og Øystein Kostveit
2014: Thorbjørn Wahlstrøm og Helge Markussen
2013: Dag Straume og Johnny Sørensen
2012: Vinje historielag
2011: Siljan historielag og Historisk Forum
2010: Bamble historielag
2009: Øystein Morten si bok Stavkyrkja i Eidsborg – Ein biografi
2007: Ragnar Lurås og Ragnvald Christenson for boka Ljos og kraft til alle heimar
2006: Rauland historielag
2005: Arne Espelund for boka Jernet i Vest-Telemark – der tussane rådde grunnen
2004: Peter Fjågesund og Drangedal historielag
Vedtekter
§1 Rikard Berges pris er ein pris til fremje av godt lokalhistorisk arbeid i Telemark.
§2 Kvart år skal det delast ut pris for lokalhistorisk arbeid om Telemark. Vilkåret er at det blir funne verdig(e) kandidat(ar). Styret i Telemark historielag kan vedta at det enkelte år ikkje skal delast ut pris.
§3 Prisen ligg under styret til Telemark historielag, som fastset vedtektene.
§4 Prisen blir delt ut av styret i Telemark historielag etter innstilling frå ein komite sett saman av tre personar. Historikarmiljøet tilknytta HSN ved studiestad Bø, Telemark Museum og styret i Telemark historielag vel kvar ein representant. Medlemene skal veljast for tre år om gangen. Representanten for historielaget leier arbeidet i komiteen.
§5 Komiteen hentar inn forslag til kandidatar.
§6 Prisen er for tida på kr 5000,- og eit diplom, og blir delt ut under historielagets årlege seminar.
Kjelder
- Heimesida til Telemark historielag.