Sørestranda ungdomslag
Sørestranda ungdomslag i Sykkylven vart skipa i 1911. Det har vore halde om lag 350 møter i laget, og 60 skodespel er framsynt. Idrettslaget og skyttarlaget er spirer frå ungdomslaget. Lærar J. Fredriksen var første formannen. Lagsbladet heitte «Trekloppa».
Husa til laget
Ungdomslaget hadde møta sine på skulehuset på Hellen/Hella fram til 1932, då ungdomshuset Høgetun var ferdig. Klaus Sletten, redaktør i Møre Tidend frå 1917 til 1920, eigde i den perioden ein gard på Ikornnes og gav hustomt til laget på Solberg. Namnet på eigedomen blei endra frå Solberg til Høgetun i 1921, men i daglegtalen levde det første namnet lenge. Mange utflytte «søre-strandingar» i Amerika gav gode pengegåver til huset, så laget var omlag skuldfritt då huset sto ferdig.
Galleri
Fondveggen i ungdomshuset Høgetun. Foto: Nils Seland, 2005.
Salen i Høgetun. Foto: Nils Seland, 2005.
Kjelder og litteratur
- Gjævenes, Martin: ''Sykkylven. Gardssoga: Band 3: Gardssoga 3. 1983. 704 s. Digital versjon på Nettbiblioteket.
- Grøvik, Ivar: Sunnmøre frilynde Ungdomssamlag gjennom 60 år, 1954.