Sosialistisk kor i Oslo
Sosialistisk kor i Oslo er eit blandakor som har vore aktivt sidan skipinga i 1975. I dag har koret om lag 70 aktive medlemmer, og bidrar aktivt med kulturelle innslag til politiske markeringar i hovudstaden. Koret har i fleire år hatt fast opptreden på Youngstorget under 1. mai-markeringa og for 8. mars-toget.
Verdigrunnlag og organisasjon
Som ein del av Sosialistisk opplysningsforbund var koret skipa som eit ledd i «kulturkampen på den norske venstrefløyen» som hadde som mål å «gjenreise arbeidarklassen sin eigen kultur [...].» Koret er i dag partipolitisk uavhengig, og arbeidar ut frå «sosialistiske, antikapitalistiske, antiimperialistiske, antirasistiske og feministiske prinsipper.»
Historie
Koret vart skipa i 1975 av Sosialistisk opplysningsforbund med John Persen som første dirigent. På dette tidspunktet hadde koret om lag 20 medlemmer og øvde i Pax-huset på Rodeløkka. Den første opptredenen i koret si historie var under 8. mars-markeringa i Samfunnssalen i 1976.
Dirigentar i Sosialistsik kor i Oslo
- John Persen
- Chris Dankel
- Per Ole Hagen
- Helge Skansen
- Per Gomperud
- Torunn Kvamme
- Per Arne Olsen (1987-)
Utgjevingar
- Mot strømmen (1978). Konsertopptak frå solidaritetskonsert i Oslo konserthus saman med gruppa Epos og visegruppa Balder. Produsert av Per Ole Hagen og John Persen og gitt ut av Sosialistisk opplysningsforbund (SO/LSP 1).
- Glassberget (1985). Opptak av songar frå forestillinga med same namn. Musikk: Tor Halmrast. Tekst etter eit skodespel av Tor Åge Bringsværd. Solist: Lars Klevstrand. Dirigent: Per Gomperud. Spelt inn i Rosenborg studio, Oslo og gitt ut av Hot Club Records (HCR 27-A).
Kjelder og litteratur
- Det Sosialistiske partiet. Utg. Sosialistisk opplysningsforbund. Oslo. 1977. Digital versjon på Nettbiblioteket.
- Sosialistisk kor i Oslo si heimeside
- Sosialistisk kor i Oslo på Discogs
- Per Arne har dirigert Sosialistisk kor i over 35 år, Fri Fagbevegelse.
|
