Stortingsvalet i Nordre Bergenhus 1891
I stortingsvalet i Nordre Bergenhus 1891 hadde Moderate Venstre, Høgre og Venstre tre jamstore grupper på valtinget. Nasjonalt gav valet ein valsiger til reine Venstre, men i Nordre Bergenhus sytte ein allianse på valtinget mellom Moderate Venstre og Høgre for å halde Venstre utanfor stortingsbenken. Fire frå Moderate og ein frå Høgre kom inn medan Venstre fekk to uviktige varaplassar. Den tidlegare svært sentrale politikaren frå amtet, Jakob Sverdrup, kom no attende som representant sjølv om han hadde flytt frå amtet i 1884 og no var sokneprest i Bergen.
Valde representantar
| Verv | Namn/tittel | Kommune | Parti | Merknad |
|---|---|---|---|---|
| 1. representant | Gaardbr. Arne Tonning | Stryn | Moderate Venstre | 1. repr. førre periode |
| 2. representant | Sogneprest Jakob Sverdrup | Bergen | Moderate Venstre | |
| 3. representant | Kirkesanger Anfinn Refsdal | Vik | Moderate Venstre | 1. suppl. førre periode |
| 4. representant | Gaardbr. F. Fraas (Hillestad) | Hafslo | Høgre | |
| 5. representant | Gaardbr. Gjert Holsen | Førde | Høgre | 2. repr. førre periode (for Moderate Venstre) |
| 1. suppleant | Provst Ludvig K. O. Strømme | Selje | Høgre | |
| 2. suppleant | Kirkesanger M. O. Syltevik | Eid | Moderate Venstre | |
| 3. suppleant | Gaardbr. J. K. Hæg | Borgund | Venstre | |
| 4. suppleant | Gaardbr. S. K. Aarnæs | Stryn | Venstre | |
| 5. suppleant | Gaardbr. A. L. Ese | Balestrand | Moderate Venstre |
Valet
Valet vart halde i Førde 16. september 1891 med 75 valmenn tilstades. 26 tilhøyrde Moderate Venstre, 25 Venstre og 24 Høgre.
I alt 23 personar fekk røyster under representantvalet, og flest fekk:
| Nr | Namn | Røyster | Merknad |
|---|---|---|---|
| 1. | Arne Tonning | 54 | Moderate Venstre |
| 2. | Jakob Sverdrup | 49 | Moderate Venstre |
| 3. | Anfinn Refsdal | 45 | Moderate Venstre |
| 4. | F. Fraas | 44 | Høgre |
| 5. | G. M. M. Holsen | 42 | Høgre |
| 6. | J. Hæg | 28 | Venstre |
| 7. | S. Aarnæs | 24 | Venstre |
| 8. | R. Sindre | 19 | Venstre |
| 9. | W. Flugum | 17 | Venstre |
| 10. | D. O. Bakke | 11 | Venstre |
| 11. | S. O. Fuhr | 8 | |
| 12. | Indrehus | 7 | |
| 13. | A. Ese | 6 | |
| 14. | J. Myklebust | 6 | |
| 15. | Edvard Liljedahl | 3 | |
| 16. | S. Næss | 3 | |
| 17. | Lasse Trædal | 1 |
Ved valet på 1. suppleant fekk 8 personar røyster, og flest fekk:
| Nr | Namn | Røyster | Merknad |
|---|---|---|---|
| 1. | L. Strømme | 36 | Uavh. |
| 2. | Aarnæs | 17 | Venstre |
| 3. | J. Hæg | 11 | Venstre |
Ved valet på 2. suppleant fekk 10 personar røyster, og flest fekk:
| Nr | Namn | Røyster | Merknad |
|---|---|---|---|
| 1. | M. O. Syltevik | 33 | |
| 2. | Aarnæs | 20 |
Ved valet på 3.-5. suppleant fekk i alt 30 personar røyster. Dei som fekk flest, var:
| Nr | Namn | Røyster | Merknad |
|---|---|---|---|
| 1. | J. K. Hæg | 29 | Venstre |
| 2. | S. K. Aarnæs | 25 | Venstre |
| 3. | A. L. Ese | 24 | |
| 4. | Indrehus | 19 | |
| 5. | lensmand O. R. Steen | 17 |
Frammøte på Stortinget
Representantane møtte på dei ordinære Stortinga i 1892, 1893 og 1894. Tonning døydde 26. juli 1892, så Strømme vart innkalla og møtte frå 1. august 1892 og i 1893 og 1894.
Kjelder
- Stortingsval i Sogn og Fjordane (liste)
- Lindstøl, Tallak. (1915). Stortinget og statsraadet 1814-1914. Bd. 2, del 2. De enkelte storting og statsraader. Kristiania: Steen'ske bogtrykkeri, s. 494-495. (Digital utgåve, NBdigital).