Olav K. Bøen
Olav K. Bøen (fødd 16. september 1898 i Tinn, død i april 1952) var lærar på Rjukan.
Han var son av postopnar Kristen Bøen og Helga f. Gunleiksrud. Etter folketeljinga for 1900 budde familien i huset Åsheim under Sandvika, medan dei i 1910 vart registrerte på eigedomen Ruvland i same skulekrins, nemleg «Nedre Østbygden med Heien». Ifølgje den siste teljinga var Olav K. Bøen eldstebornet; han hadde fire yngre systrer.
Han tok millomskuleeksamen i Skien i 1918 og byrja dinest på lærarskulen i Kristiania, der han gjekk ut i 1922. Som nyutdanna vart Bøen i 1922 tilsett som lærar ved Våer folke- og framhaldsskule i heimbygda Tinn. Etter tre år her byrja han i 1925 ved Rjukan folkeskule.
Bøen vart 12. april 1952 gravlagd på Austbygde kyrkjegard i Tinn.
Kjelder og litteratur
Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket