Sámi álbmotbeaivi
Sámi álbmotbeaivi (Mal:Nordsam.), Sámij álmmukbiejvve (Mal:Lules.), Sæmij ælbmukbæjjve (Mal:Pites.) eller Saemie åålmegebiejjie (Mal:Sørsam.), varierande omsett som bl.a. den samiske nasjonaldagen, samefolket sin dag og samefolkdagen, fell på den 6. februar og markerer årsdagen for det første samlande møtet for fleire ulike samiske organisasjonar i Metodistkyrkja i Trondheim tysdagen den 6. februar 1917. Elsa Laula Renberg stod for både idéen og gjennomføringa, og møtet samla over 100 kvinner og menn frå både sør- og nordsamiske miljø i såvel Noreg som Sverige.
På den 15. samiske konferansen i Helsingfors i 1992 vedtok Samerådet at dagen skulle markerast som “sámi álbmobeaivi” for alle samar — i Norge, Sverige, Finland og Russland. Den første offisielle feiringa fann stad laurdagen den 6. februar 1993. I Noreg blei dagen vedteken som offisiell flaggdag i 2003 og markert frå og med fredagen 6. februar 2004. Loven inneber at alle offentlige bygg er pålagt å heise det norske flagget, og i tillegg er det valfritt om ein vil heise det samiske flagget.
![](/thumb.php?f=Sagai_Muittal%C3%A6gje.jpg&width=314)
Koss dagen blir markert varierer frå plass til plass, men flagging, festmåltid og synging av den samiske nasjonalsongen «Sámi soga lávlla», skriven av Isak Saba i 1906, er blant dei gjennomgåande trekka.