Jon Løyland (1887–1975)

Postkort med «Ingebjorg og Lande-eiki».

Foto: Jon Løyland

Jon Løyland (født Jon Olavson Løyland 22. november 1887 i Valle, død 8. juli 1975 på Grendi i Bygland) var gardbrukar på Lande i Grendi i Bygland kommune, lærar fleire stader i Aust-Agder, forfattar og fotograf.

Han var oppteken av kulturhistorie, og samla folkeminne i ei bok. Eit manuskript som truleg skulle verte eit framhald av Gamalt or Sætesdal vart gjeve ut i 2008, redigert av Leonhard Jansen. Mykje av stoffet var kjent frå hans foredrag rundt om i Agder. I boka er det også bilete han sjølv tok. Han skreiv i 1945 om seg sjølv: «Har drive litt fotoarbeid og fått laga prospektkort i over 20 år. Har vore lærar. No bonde og husflidsarbeidar». Arbeidet som han utførar er «Fotografering, kopiering, forstørring etter film».

Då Agder historielag vart skipa i 1914, kom han med i styret, og han sat i styret i 50 år, frå han var 27 til han var 77 år gammal. I tre periodar var han formann i laget. Frå 1939 til 1964 var han og styreleiar i Setesdalsmuseet. Han laga og sitt eige museum i Løylandsloptet. Både museumssamlinga og biletsamlinga er i dag på Setesdalsmuseet.

Jon Løyland giftet seg med Gyro Løyland f. Olavsdotter Hovet (1896-1990) i 1918, og etterlot seg barna Olav J. Løyland (1919-2010), Gunnar Løyland (1922-2016), Bjørgulv Løyland (1923-2017), Liv Løyland (1925-1980), Gyrid Trydal f. Løyland (1926-2012), Sigrid ? f. Løyland (1928-?) og Ingebjørg Thue f. Løyland (1929-2021).

Lande (57/2) og Løylandsloptet.

Foto: Siri Johannessen (2016).

Sjå også

• Kategori:Bilder av Jon Løyland

Kilder

• Første versjon av artikkelen er henta fra Preus museums register over norske fotografer.
• Jon Løyland på Digitalt museum.
• Jon Løyland på KulturNav
• Bonge, Susanne: Upublisert materiale (SFFR)
• Jansen, Leonhard (red.): Soger og segner, viser og vers. Utg. Agder historielag. 2008.
• Jon Løyland på Setesdalswiki
• Jon Løyland i Historisk befolkningsregister