Vanylven sogelag

Vanylven sogelag i Vanylven kommune vart skipa 20. november 1943. Sogelaget «har til føremål å vekkje og nøre opp under interessa for slekt, soge, folkeminne, segner og tradisjonsstoff, og ta vare på dette ved å få det nedskrive. Det skal og samle inn og ta vare på dagbøker, brev, bilete og anna av historisk verdi». Laget gjer ut tidsskriftet Fotefar (før 2010: Tidsskrift for Vanylven sogelag).

I 2019 hadde sogelaget 220 medlemar.

Leiarar

• Hans Vidnes 1943-19558
• Gerhard G. Fiskaa 1959-1971
• Sverre Aarsnes 1971-1981
• Svein Thunem 1981-1983
• Jostein Krokvik 1983-1996, æresmedlem
• Arnhild Sætrenes 1996-1998
• Svein Bøstrand 1998-2000
• Svein Thunem 2000-2004, dessutan bygdebokforfattar 2006-2011 og æresmedlem
• Harald Thunem 2004-2006
• Gunnar P. Strand 2006-2011
• Marit Margrete Berget 2011-2017
• Gunnar P. Strand 2017-

H.M. Fiskaa var bygdebokforfattar 1946-1970, medan R. Emil Sæter var bygdebokforfattar 1975-1981. Vidar Parr er redaktør for tidsskriftet.

Hovudaktivitetar

• Utarbeide og gje ut bygdebøker.
• Kartfeste gamle namn.
• Gje ut eit årleg tidsskrift.
• Samle inn gamle foto, samle opplysningar om dei og skanne dei. Samlinga er ein del av FylkesFOTOarkivet i Møre og Romsdal.
• Uttale seg om og gje innspel om kommunale planar, mellom anna kulturminneplanen.
• Registrere, kartfeste og samle opplysningar om gamle fysiske anlegg.
• Fotosamling.

Publikasjonar

• Fiskaa, Haakon M.: Bygdebok for Vanylven. Utg. Vanylven sogelag. 1957-1965.
  • Band 1. Gard og ætt. 1957. XXXI, 431 s. Digital versjon på Nettbiblioteket.
    • Melding: Djupedal, Reidar i Heimen b. XI, 278–279.
  • Band 2. Ålmenn bygdesoge. 1965. XVI, 398 s. Digital versjon på Nettbiblioteket.
    • Melding: Øvrelid, Ragnar i Heimen, b. XIII, s. 575–576.
• Ættesoge for Vanylven. Av R. Emil Sæter. Utg. Vanylven sogelag, 1980-1981.
  • Band 1. 1980. 435 s. Digital versjon på Nettbiblioteket.
  • Band 2. 1981. 494 s. Digital versjon på Nettbiblioteket.
• Ættesoge for Vanylven. Utg. Vanylven sogelag. 2010.
  • Svein Thunem: Ættesoge for Vanylven I. 588 s. Digital versjon på Nettbiblioteket.
  • Svein Thunem: Ættesoge for Vanylven II. 559 s. Digital versjon på Nettbiblioteket.
  • Svein Thunem: Namneregister. 36 s. Digital versjon på Nettbiblioteket.
  • Sæter, R. Emil: Ættesoge for Vanylven I og II. [Ny utgåve av Ættesoge for Vanylven, 1980-1981.] 435; 494 s. Digital versjon på Nettbiblioteket.
• Tidsskrift for Vanylven Sogelag 1984-2009, deretter Fotefar 2010-.

Kjelder og litteratur

• Opplysningar frå historielaget, 2019 (Landslaget for lokalhistorie si lagsundersøking).

Eksterne lenkjer

• Heimeside