Herbjørn Gausta
Herbjørn Gausta (fødd 1854 i Tinn, død 1924 i Minnesota) var fotograf og kunstmålar.
Han var son av gardbrukar Niels Herbjørnsson Gausta (f. 1808) og Anne Olsdotter Gausta, og vaks opp på Mellom-Gaustad i Mæl sokn i Tinn. Familien utvandra då han var tretten år gamal.
Gausta er rekna som den fremste kunstnaren i det norske utvandrarmiljøet i Amerika. Han blei etter kvart ein særs akta kunstmålar. Det var mindre kjent at han også var ein habil fotograf. Hans fotografi finst i det norsk-amerikanske museet i Iowa. Fotografia frå Noreg er tekne i Rauland og Tinn på ei reise han gjorde - truleg i 1899. I samband med 150-årsjubileet for den første utvandringa til Amerika blei dei viste på ei utstilling i Rjukan bibliotek i 1987. Herbjørn Gausta brukte fleire av fotografia sine som grunnlag for måleri.
Kjelder
- Første versjon av artikkelen er henta fra Preus museums register over norske fotografer.
- Herbjørn Gausta på Digitalt museum.
- Herbjørn Gausta på KulturNav
- Herbjørn Gausta i Historisk befolkningsregister.
- Dagbladet Rogaland 23.06.1987
- Einung, Halvor H.: Tinn soga. B. 2. Rjukan. 1953. Digital versjon på Nettbiblioteket.
- Rjukan Arbeiderblad 24.11.1987
- Telemark arbeiderblad 11.05.1987
|
Herbjørn Gausta er basert på data fra Preus Museums registre over norske fotografer og fotografiske samlinger, som var tilgjengelig i en nå nedlagt database på Nasjonalbibliotekets nettsider. Artikkelen er lagt ut under lisensen cc-by-sa. Lokalhistoriewikis brukere kan fritt redigere og utvide artikkelen. Flere artikler finnes i denne alfabetiske oversikten. |
|
