Arnold Arnesen (1931–1943)

Arnold Arnesen (født 10. juli 1931 i Tinn, død 16. november 1943 på Vemork) var eit av dei sivile ofra for bombinga av Vemork 16. november 1943. Han var son av Ragnar Arnesen (f. 1903 i Arendal) og Magnhild Magdalene Arnesen f. Dahlgren (f. 1907 på Voss).

Arnold Arnesen.

Foto: Ukjent, fra Våre falne.

Då flyalarmen gjekk på Vemork, kom han seg saman med mora inn i det sivile tilfluktsrommet på vannstoffabrikken. Ei bombe traff rett ved døropninga, og splintra tilfluktsrommet fullstendig. Både Arnold og mora døydde momentant.

Arnold Arnesen er gravlagt på Rjukan kyrkjegard.

Kjelder

• Våre falne : 1939-1945, Grøndahl, Oslo 1949, bd. 1, s. 165 Digital versjon på Nettbiblioteket.
• Arnold Arnesen i Historisk befolkningsregister.