Flåten (Tinn gnr 57)
Flåten er ein matrikkelgard i Atrå sokn i Tinn kommune. Det opphavelege gardsnamnet var Gauteset (Gauset), av mannsnamnet Gaute og seter, som har gjeve namn til Gausetbygdi. Frå 1662 nyttast namnet Flåten i skriftlege kjelder. Dette kjem av flate.
I Tinn soga (s. 257) skriv Halvor H. Einung at Gauset/Flåten var «ein storgard som mange av dei andre gardane er skilde ut i frå». På slutten av 1400-talet samla Gunnar Gauteset mykje odelsgods, og dette vart seinare overført til sonen Vetle. Under ei arvesak i 1602 kom det fram at godset besto av heile 22 markebol, og femna gardane øvre Bernås, Flåten, Ormsjorden, Skårberg, Mårdalen, Mølid, Bakka, Rui, Grønskei, Nørstegard, og Gjeiskeli.
Alt i 1574 var det to Gauset-gardar, og seinare vart det langt fleire. Av desse var Jon Gausets gard den største; Jon er nemnd som brukar 1620-35.
Ein del av Holte var opphaveleg husmannsplass under Flåten.
Bruk
- Sud Flåten (bnr. 1 og 2), det gamle hovudbølet.
- Nord Flåten (bnr. 3)
- Holte (bnr. 4)
Kjelder
- Einung, Halvor H.: Tinn soga. B. 2. Rjukan. 1953. Digital versjon på Nettbiblioteket, s. 285-291.
- Flaaten i folketeljinga 1801 for Tinn prestegjeld frå Digitalarkivet