Holte (Tinn gnr 57/4)

Holte
Stad:	Gausetbygde
Sokn:	Atrå
Fylke:	Telemark
Kommune:	Tinn
Gnr.:	57
Bnr:	4

Holte er eit gardsbruk i Gausetbygde i Tinn. Det har opphav som husmannsplass, truleg som to plassar under Flåta og Skårberg.

Første gongen det nemnast ein husmannsplass under Flåta er i 1730, men ein veit ikkje om dette var Holte. I et skifte frå 1787 vert Holte under Nørstegaard nemnd, og dette kan vere Holte under Skårberg. I åra som følgjer vert både Holte under Flåta og Holte under Skårberg nemnd.

I folketeljinga 1801 er det ein husmannsplass under Flåta, og det må vere Holte. Ein kan følgje husmenn på plassen vidare gjennom 1800-talet, inntil 1892 då numedølen Halvor Toresson fekk skøyte på plassen.

Husmenn / brukarar

• Hellek Andersson (f. omkr. 1725), husmann under Flåta i 1801.

gift med Liv Greggardsdotter (f. omkr. 1741). Born ein kjenner:

• Gro Helleksdotter (f. omkr. 1771), gift med Truls Jonsson Mårheim.
• Gunhild Helleksdotter (f. omkr. 1783).

• Halvor Olson, festbrev frå Skårberg 1802.

gift med Aslaug Torkjellsdotter. Born ein kjenner:

• Margit Halvorsdotter, gift 1816 med Gunnulv Larsson Øye.
• Øystein Halvorsson Holte.

• Kjetil Høljesson Skrindebakke (d. 1852), festebrev frå Skårberg 1821.

gift med Tore Torjusdotter/Tovsdotter. Til Rauland. Born ein kjenner:

• Torjus Kjetilsson. Til Rauland.
• Margit Kjetilsdotter. Til Rauland.
• Gyry Kjetilsdotter. Til Rauland.

• Jon Torbjørnsson, frå Bergelie. På Holte etter 1852. Born ein kjenner:

• Lisbet Jonsdotter, gift 1863 med Torgeir Knutsson Åsen.

• Jon Sveinsson (f. omkr. 1793), husmann på Holte under Flåta etter 1852. På Holte ved folketeljinga 1865.

gift med Ågot Jonsdotter (f. omkr. 1802). Born ein kjenner:

• Gunhild Jonsdotter (f. omkr. 1840).

• Halvor Toresson (f. 1844), fekk skøyte i 1892. Frå Numedal, kom over saman med Anstein Åsen.

gift med Aslaug Olsdotter Velta (f. 1851) frå Høgelid. Born ein kjenner:

• Astrid Halvorsdotter (1872-1952), gift med Alv Jonsson Plassen. Emigrerte til USA.
• Ola Halvorsson (1874-1955), gift med Astrid Tollevsdotter Bakken frå Numedal.
• Tore Halvorsson (1874.1955), gift med Johanne Valhøiden frå Østfold.
• Tov Halvorsson (1875-1970). Neste brukar.
• Aslaug Halvorsdotter (1879-1913).
• Anne Halvorsdotter (1881–1905).
• Halvor Halvorsson (1884-1967), gift med Gro Sveinsdotter Velta.
• Gjertrud Halvorsdotter (1886-1916), gift med Torstein Gulliksson Strenge frå Sandsvær.
• Birgit Halvorsdotter (1889-1978), gift med Rolf Bratlie Christensen frå Notodden.
• Svein Halvorsson (1891-1976), gift med Kari Larsdotter Kultan frå Bø.

• Tov Halvorsson, kjøpte Holte i 1914.

gift med Lisbeth Persdotter Midtgarden. (1880-1950). Born ein kjenner:

• Aslaug Tovsdotter (f. 1905).
• Margit Tovsdotter (f. 1907).
• Halvor Tovsson (f. 1910).

Kjelder

• Einung, Halvor H.: Tinn soga. B. 1. Rjukan. 1926. Digital versjon på Nettbiblioteket.
• Flaaten i folketeljinga 1801 for Tinn prestegjeld frå Digitalarkivet (Garden med husmannsplassen Holte).
• Holte i folketeljinga 1865 for Tinn prestegjeld frå Digitalarkivet.
• Holte i folketeljinga 1900 for Tinn herred frå Digitalarkivet.
• Holte i folketeljinga 1910 for Tinn herred frå Digitalarkivet.