Knagenhjelm

Knagenhjelm (tidlegare de Knagenhielm) er ei norsk adelsslekt. Lagmann i Bergen Niels Tygesen Knag (1661–1737) blei i 1721 adla med namnet Knagenhielm. Niels Knag var son av sorenskrivar Tyge Nielsen Castberg (d. 1687) og Maren Nielsdatter Knag, dotter av fogd på Sunnmøre Niels Jacobsen Knag.

Kaupanger hovudgard vart kjøpt av Niels Tygesen Knag i 1710, og har vore i slekta sidan.

Foto: Francis Bull

I 1710 kjøpte Niels Knag den adelege setegarden Kaupanger, med Stedje og Losne i Sogn. Kaupanger gods har sidan vore slektas hovudsete. Nest etter stamhuset Rosendal i Hardanger var dette det største jordegodset på Vestlandet.

Kjende medlemmar av slekta

• Niels Tygesen Knagenhielm (1661–1737), lagmann i Bergen.
  • Hans Knagenhielm (1696–1741), godsforvaltar.
    • Niels Knagenhielm (1723–1788).
      • Christen Knagenhjelm (1756–1815).
        • Niels Joachim Knagenhjelm (1796–1852).
          • Anna Sophia Dorothea Knagenhjelm (1821–1907). Gift med Edvard Christie, sjå slekta Christie.
          • Christen Knagenhjelm (1823–1902) (1823–1902). Gift med Augusta Petrea Poppe (1833–1897).
          • Ludvig Wiese Knagenhjelm (1824–1907), overrettsassessor. Gift med Selma Angelique Louise Roll, sjå slekta Roll.
            • Jacob Roll Knagenhjelm (1858—1932), hoffsjef hos Haakon VII.
            • Arthur Nicolay Sophus Knagenhjelm (1866–1938), høgsterettsadvokat.
              • Kai Ludvig Jacob Knagenhielm (1898–1987), departementsråd. Gift med Ragnhild Sverdrup Fearnley, sjå slekta Fearnley.
        • Johanne Margrethe Knagenhjelm (1798–1879). Gift med konsul Jens Berle Gran, sjå slekta Gran.
    • Joachim de Knagenhielm (1727–1796), amtmann i Nordre Bergenhus.

• 

  Hans Knagenhielm (1696–1741).

Knagenhjelm i Rødøy

I Rødøy i Nordland lever det ei slekt som delvis har skreve seg for Knagenhjelm og delvis for Hansen. Dei stammar frå Karl Johan Knagenhjelm fra Nordre Bergenhus, som tidleg i 1860-åra hadde eit forhold til Olava Maria Pettersdatter i Rødøy.

• Karl Johan Knagenhjelm, ∞ Olava Maria Pettersdatter
  • Hans Peder Karlsen Knagenhjelm, ∞ Anne Birgitte Benjaminsdatter, ∞ Fredrikke Kornelie Jensdatter
    • Hans Hagen Hansen Knagenhjelm, uviss lagnad
    • Halvard Andreas Karinius Hansen Knagenhjelm, ∞ Kristine Marie Normann Jakobsen
      • Alvilde Johanne Pernille Hansen Knagenhjelm, ∞ Peder Olai Nilsen; fleire etterkommarar
    • Anton Benjamin Hansen Knagenhjelm, uviss lagnad

Kjelder

• Knagenhjelm i Store norske leksikon.
• Erik Berntsens slektssider.
• Steffens, Haagen Krog: Norske Slægter : 1912. Utg. Gyldendal. [Kristiania]. 1911. Digital versjon på Nettbiblioteket.