Sigmund Løvåsen

Sigmund Løvåsen (fødd 16. august 1977 i Trysil) er forfattar. Han fekk fleire priser for debutromanen Nyryddinga fra 2003, og har òg fått god kritikk for seinare romanar, skodespel og dikt.

Han tok Forfattarstudiet i Bø, eit eittårig høgskolekurs i skjønnlitterær skriving, og har òg studert ved Universitetet i Oslo og Gøteborgs universitet. Han mottok både Tarjei Vesaas' debutantpris og P2-lytternes romanpris for 2003 for romanen Nyrryddinga. I 2005 fekk han Sigmund Skard-stipendet, og i 2010 Bjørnsonstipendet.

Ved sida av ¨å vere forfattar er Løvåsen engasjert i registrering og vedlikehald av kulturlandskapet på heimstaden Svartskog i Oppegård kommune. Kulturlandskapet er eit viktig element i forfattarskapet, noko som ikkje minst er tydeleg i diktsamlinga Med øksene dei hauster inn fra 2018, der både Svartskog og Trysil er til stades i tekstane.

Skodespelet Daga kom ut i 2004, og blei same året oppført på Hedmark Teater.

Frå 2012 til 2017 var han leiar for Den norske Forfatterforening.

Bibliografi

• Nyryddinga : roman. 2003. Digital versjon på Nettbiblioteket.
• Daga : skodespel. 2004. Digital versjon på Nettbiblioteket.
• Brakk : roman. 2006. Digital versjon på Nettbiblioteket.
• Vente på fugl : skodespel. 2008.
• Mamsell Iversen : roman. 2009. Digital versjon på Nettbiblioteket.
• Vid din sida : om kjærleiken når minnet forsvinn. 2011. Digital versjon på Nettbiblioteket.
• Med øksene dei haustar inn : dikt. 2018.
• Kjell Aukrust - en biografi, Cappelen Damm, Oslo 2020, ISBN 978-82-02664-42-8

Litteratur og kjelder

• Sigmund Løvåsen på Wikipedia på bokmål og riksmål.
• Sigmund Løvåsen, forfattarprofil hjå Samlaget.
• Opplysningar frå foredrag av Sigmund Løvåsen på konferansen «Sted, fiksjon og historie», Nasjonalbiblioteket 6. juni 2019.