Skårberg (Tinn gnr 54)
Skårberg er ein matrikkelgard i Atrå sokn i Tinn kommune. I Tinn soga (s. 257) syner Halvor H. Einung til Olai Skulerud, som meiner at gardsnamnet kjem av skor, «avsats i eit berg, liti flate under eit bratt fjell».
På 1500-talet var Skårberg ein av dei mange gardane i Atrå som velstandsfolket på Flåten åtte. Den fyrste brukaren på Skårberg som er nemnd i skriftlege kjelder, heitte Ledvord (Leiulv). Han var på garden i 1625.
I 1806 vart Skårberg delt i to bruk, men desse vart i fleire år drevne som ein gard. Fyrst i 1830 vart delinga i Nord og Sud Skårberg varig.
Ein del av Holte var opphaveleg husmannsplass under Skårberg.
Bruk
- Nord Skårberg (bnr. 1?)
- Sud Skårberg (bnr. 2?)
- Såler (bnr. 3) , ein øydegard som vart underbruk under Skårberg.
- Uleflåte (bnr. 4), opphaveleg husmannsheim.
Kjelder
- Einung, Halvor H.: Tinn soga. B. 2. Rjukan. 1953. Digital versjon på Nettbiblioteket, s. 267-275.
- Skaarberg i folketeljinga 1801 for Tinn prestegjeld frå Digitalarkivet
Galleri
Loft på Skårberg.Foto: Johan Meyer
Loft på Skårberg.Foto: Halvor Vreim
Stovebygning på Skårberg.Foto: Halvor Vreim
