Fron historielag

Mal:Thumb høyre Fron historielag dekker kommunane Nord- og Sør-Fron, altså det gamle Fron prestegjeld. Laget vart stifta 19. august 1928, med Jon Harildstad som formann. Kristofer Fliflet i Gudbrandsdal historielag og historieskrivaren Ivar Kleiven var òg involverte i skipinga av laget. I 1930 ga historielaget ut bygdeboka Fronsbygdin, med Kleiven som forfattar.

Seinare har Fron historielag gitt ut fleire bøker, mellom anna Gardar og slekter i Fron (bind 1 og 2) av Einar Hovdhaugen og Historia om Fron (bind 1 og 2) av Ragnar Øvrelid. Laget har sett opp eit bygdatun på bruket Milsteinstugu i Sødorp og oppgangssaga ved Sulheim. Historielaget har eige arkiv på Opplandsarkivets Maihaugen-avdeling og arrangerer dessutan historiske vandringar. Eige medlemsblad vert gjeve ut i samarbeid med lokalavisa Dølen på [[61.59497 Lengdegrad: 9.75131]]. Sidan 2003 gir laget ut årboka Fronsbygdin, med same namn som Kleivens bygdebok.

Styreleiar (pr. 2010) er Pål Kjorstad. 13. november 2009 tok han imot Nord-Fron kulturpris på vegne av Fron historielag.

Kjelder og litteratur

• Fronsbygdin 2010-2011, s. 155-157.
• Heimesida åt laget