Nedre Fåberg (Jostedalen)

Nedre Fåberg (Luster, gnr. 204) er ein matrikkelgard i grenda Fåberg i Jostedalen, Luster kommune.

Garden vart truleg rydda på 1500-talet i samband med koloniseringa av Jostedalen etter øydetida (sjå namnegarden Fåberg). Garden var i periodar på 16- og 1700-talet delt i to bruk og vart siste gongen samla til eitt bruk att i 1755. Det har ikkje vore mogleg å identifisere kvar den andre brukarfamilien heldt til, så dei har kanskje delt på husa.

Nedre Fåberg har følgjande bruk:

• Bnr. 1, Berget (rydda som husmannsplass tidleg i 1790-åra, utskilt som eige bruk i 1829)
• Bnr. 2, Fåberg nedre
• Bnr. 3, Horpen (rydda som husmannsplass kring 1795, utskilt i 1901)
• Bnr. 4, Torstad (utskilt som eige bruk i 1929)
• Bnr. 5, Åreteigen (utskilt som eige bruk i 1929)
• Bnr. 7, Brun
• Bnr. 25, Vidsyn

Det eldste stovehuset på Nedre Fåberg er steinstova, som skal ha vorte oppsett mellom 1803 og 1809. Etter ein lokal tradisjon vedda brukaren Rasmus Larson (1777-1825) med bror sin på Kruna om kven som kunne byggja tyngste huset, og Rasmus vann med steinstova.

Personar frå Nedre Fåberg:

• Lars Rasmusson Faaberg, ordførar
• Halvor Larson Faaberg, klokkar

Litteratur

• Laberg, Jon. (1944). Jostedal. Ei stutt utgreiding om bygdi og folket der. Tidsskrift utgjeve av Historielaget for Sogn (nr. 11), 5-85. (Digital utgåve, Jostedal historielag)
• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 686-716. (Digital utgåve, NBdigital)

Eksterne ressursar

• «Fåberg» (nedre) (gnr 204) i Gardsleksikon, Fylkesarkivet i Sogn og Fjordane
• Kart over Nedre Fåberg, Fylkesatlas Sogn og Fjordane