Nils Holter

Nils Holter (født 22. mars 1899 i Hamar, død 30. august 1995 i Oslo) var ein arkitekt som virka i Oslo i perioden 1926-ca 1981.

Han var utdanna ved NTH i 1922. Han arbeidde som assistent hos professor Sverre Pedersen 1923-26, (mellom anna på vinnarprosjektet til Universitetsutbygginga 1925, "Blindernaksen"), var deretter tilsett i Oslo reguleringsvesen 1926-36, før han i 1936 oppretta privat praksis i Oslo, frå 1969 i kompaniskap med arkitekt Jan Bauck.

Holter var BSR- medarbeidar under krigen, i starten som personleg rådgjevar for Sverre Pedersen med ansvar for Austlandet – seinare medlem i rådet for Brente Steders Regulering. Han var Pedersens medarbeider på reguleringsplanen for Elverum i 1940. I 1949 vann han 1.premie i tevling om Namsos tinghus, men tinghuset vart aldri realisert

Hans mest kjende arbeid er Kringkastingshuset, 1938-1945 og Fjernsynshuset, 1969 på Marienlyst, samt utvidinga av Stortinget 1949-59. Han tegna også Telegrafverkets adminstrasjonsbygning i Universitetsgata 2, 1962. Blant hans andre arbeid kan nemnast Bergen Posthus 1950, Hamarstua restaurent og utescene, på Domkirkeodden i Hamar frå 1959. I Tromsø har han tegna Kringkastingshuset i 1948 og telegrafbygget i Kirkeparken i 1957.