Vest-Telemark Museum
Vest-Telemark Museum er ei stifting og eit regionsmuseum for kommunane Tokke, Vinje, Kviteseid, Seljord, Fyresdal og Nissedal. Administrasjonen er knytt til tidlegare Lårdal Bygdemuseum som ligg i Eidsborg i Tokke kommune. Grunnleggjarane av Lårdal Bygdemuseum var sylvsmeden Eivind Tveiten (1891-1976) og kona hans, Hæge Tveiten. Den fyrste konservatoren ved museet var Naty Aasne Svingjom Bjørshol.
Museumsavdelinga i Eidsborg byggjer på to opprinnelege gardsanlegg fra 1700-talet. Den gamle garden Vindlaus er bygd ut til et mangfaldig friluftsmuseum. I friluftsmuseet står landets eldste profane trebygning, Vindlausloftet, fra ca. år 1167.
Juvestoga høyrer til anlegget, og her finn ein rosemåling, snikkardetaljar og eit rikt interiør som er eineståande godt bevart, og syner korleis ein velståande bonde levde på slutten av 1700-tallet.
Anlegget inneheld 30 antikvariske bygningar, deriblandt Eidsborg stavkirke fra 1200-tallet. Museet har omvisninger i kyrkja som er ei av to stavkirker i Telemark som framleis er i bruk. Museet har elles ei rik og variert samling folkekunst, handtverk- og industrihistorie fra Vest-Telemark. I Kanalparken er det bygd ein 105 meter lang kopi av Telemarkskanalen. Parken inneheld også bane for bogeskyting, lafting, smiing samt eit prøvefelt for arkeologiske utgravingar.
Stiftinga Vest-Telemark Museum har i tillegg ansvaret for tolv ulike museumsanlegg i Vest-Telemark:
- Norsk skieventyr i Morgedal.
- Kviteseid bygdetun i Kviteseid.
- Åmdals Verk gruver på Åmdals Verk.
- Grimdalstunet i Skafså.
- Fyresdal Bygdemuseum i Fyresdal.
- Vinje biletgalleri i Smørklepp.
- Dyre Vaa-samlingane på Rauland.
- Skinnarlandsamlinga på Rauland.
- Øyfjell bygdemuseum i Øyfjell.
- Myllarheimen i Arabygdi.
- Vinjestoga i Vinje.