Nissedal kommune
| Nissedal | |
|---|---|
| |
| Basisdata | |
| Kommunenummer | 3822 |
| Fylke | Telemark |
| Kommunesenter | Treungen |
| Areal | 787.5 km² |
| Areal land | 787.5 km² |
| Areal vann | 0 km² |
| Folketall | 1 442 (2023) |
| Målform | Nynorsk |
| Nettside | Nettside |
Nissedal kommune er ein kommune i Telemark fylke. Kommunen grensar i nord til Kviteseid, i aust til Drangedal og Gjerstad, i sør til Vegårshei og Åmli, og i vest til Fyresdal. Første ledd i namnet kjem frå elvenavnet Nið, 'brusande', samen med sær, 'sjø'. Høgaste punkt er Førheinutane, 1049 m.o.h.
Fram til 1970 var det nedgang i folketalet, men har deretter vore stabilt eller gått berre svakt ned, i perioden 1995–2005 med 5,4 %. Det meste av busetjinga er langs austsida av innsjøen Nisser, med tettstaden og administrasjonssenteret Tveitsund (Treungen) heilt i sør og Kyrkjebygda og Nordbygda lenger nord.
Kommunen er med i regionrådet Vest-Telemarkrådet saman med Fyresdal, Kviteseid, Seljord, Tokke og Vinje.
Bygda har 1 750 større og mindre vatn og innsjøar. Næringsvegane i Nissedal er industri, vasskraftproduksjon og jordbruk. Turisme, og særleg hytteturisme, har vore i vekst i 2000-åra. Det var i 2022 heile 2430 hytter i kommunen, ei auke på 67 % sidan 2006.
Ved garden Trontveit vest for Nisser finst ein hellemaling, truleg frå bronsealderen i ein stupbratt bergvegg opp frå vatnet. Det er ein hellemaling også ved Kvithamar lenger nord.
Mot slutten av 1800-talet høyrde Nissedal til Øvre Tellemarkens fogderi i Bratsbergs amt. Per 2024 tilhøyrer kommunen Sør-Aust politidistrikt, Telemark tingrett, Agder lagmannsrett og Øvre Telemark prosti i Agder og Telemark bispedøme.
Kjelder og litteratur
- Kommunefakta Telemark (Statistisk Sentralbyrå).
- Nissedal kommune på Wikipedia på bokmål og riksmål.
- Nissedal i Store norske leksikon.
|
