Fredheim (Fyresdal)

Fredheim (Fyresdal gnr. 36/1/10) er ein eigedom i Folkestadbyen i Fyresdal kommune som har adresse Folkestadgata 13. Denne er skild ut frå Fyresdal prestegard (Fyresdal gnr. 36/1).

Olav Såvison Nyli (1866-1951) var blikkenslager og fekk i 1907 feste på ei tomt på Prestegarden i 35 år for 12 kroner årleg leige. Ein ny kontrakt vart tinglesen i 1922 då Olav fekk feste på 403m2 tomt av Prestegarden i 99 år frå 1907 mot årleg 20 kroner. Han bygde huset i 1907, tømra hadde vore gamal stove og skule på Kiland (Fyresdal gnr. 25).

Olav S. Nyli var styrar for Fyresdal telefonselskap (1899-1936) og ein framifrå handverkar, mekanikar, snikkar og røyrleggar, i det heile ein "altmuligmann". Han hadde eigen verkstad på tomta og i 1930åra var her postkontor. I tillegg var han ein særs dugande fotograf og har etterlete seg ei lang rekke uvurderlege og interessante fotografi.

Biletgalleri

På dette bildet av Fredheim ser vi at den tilflytta tømmerkassa held på å bli kledd inn. Fotograf: Olav S. Nylid
Fredheim er det store huset nærast fotografen
Fredheim er huset vi ser rett mot. Det er den gamle fylkesvegen, i 2022 Folkestadgata, som går nordover dalen. Foto: Olav S. Nylid
Fredheim i Folkestadbyen nærast, deretter Bersamlaget, Eivindstad og Berglund 2020 Foto: Olav Momrak-Haugan