Georg Døderlein Greve (1808-1879)

I 1843, då Greve var sokneprest på Nesna, vart dette våningshuset bygd på prestegarden. Maleri av Johan Anton Olsen frå 1880-åra.

Georg Døderlein Greve, fødd 13. august 1808 i Hamre i Osterøy, død 7. juli 1879 i Bergen, var prest.

Greve var sønn av Jan Arent Greve (1775-1840) og Magdalena Margrethe, f. Fritzner (1771-1847). Han vart gift med Ulrikke Olava Greve, fødd Olsen. Dei hadde seks barn, mellom dei dattera Ulrikke.

Han vart cand.theol. i 1831, og var frå 1833 personleg kapellan i Tysnes prestegjeld. Frå 1842 til 1850 var han sokneprest i Nesna, frå 1845 også prost i Nord-Helgeland prosti. Lokalhistorikaren Øyvind Jenssen skriv at Greve «skildres som en lærd mann, men noe svakelig, og han led av en brystsjukdom.» Han skildrar han og som ein «typisk opplysningsprest» som i liten grad klarte å engasjera folk kjenslemesssig.

I 1850 vart Greve sokneprest i Os prestegjeld kor han gjorde teneste til 1873. Nils Tveit siterast i jubileumsskriftet for Os kirke på at Greve «var den siste presten i Os av den gamle skulen, av dei som heldt på at presten skulle råda i bygdi og stødt syna at han stod høgt over vanlege bygdefolk».. Greve var og ordførar i Os kommune.

Kjelder

• Jenssen, Øyvind. Nesna bygdebok. Utg. Nesna kommune. Nesna. 1998. Digital versjon på Nettbiblioteket.
• Erlandsen, Andreas. Biographiske Efterretninger om Geistligheden i Tromsø Stift. Utg. Chr. Tønsbergs Forl .. Christiania. 1857. Digital versjon på Nettbiblioteket.
• Os kyrkje 125 år. Utg. I samarbeid med Nord 4. Os. 1995. Digital versjon på Nettbiblioteket.
• Ous prestegjeld. Utg. (M.K. Olsen, Os pr. Bergen). Bergen. 1937. Digital versjon på Nettbiblioteket.
• Georg Døderlein Greve i Historisk befolkningsregister
• Bie, Marcus. Oplysninger om Norges Geistlighed siden 1814. Utg. Th. Steens Forlags-Expedition. Kristiania. 1885. Digital versjon på Nettbiblioteket.

Referanser

Artikkelen Georg Døderlein Greve (1808-1879) er oppretta gjennom delprosjektet Prestefolk i Nordland Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande.