Gymnasbakken

Gymnasbakken sett nordover.

Foto: Roy Olsen (2016).

Gymnasbakken i Bø i Midt-Telemark kommune går nordover frå Bøgata ved Gamleveg til Oterholtvegen i krysset med Prestevegen. Han er om lag 550 meter lang og er ein delstrekning av fylkesveg 3334 (tidlegare fv. 155).

Vegen har namn etter Landsgymnaset, eller «Telemark offentlege landsgymnas og Bø statsrealskule» som var det offisielle namnet frå 1954 til 1964. Da blei namnet korta ned til Bø gymnas, og i 1980 blei det endra til Bø vidaregåande skule.

Vegen blei anlagt i 1961, og fekk det uoffisielle namnet «Nyveg». Etter kvart blei han på folkemunne òg kalla «Bedehusbakken», etter Bø bedehus som ligg i vegen som nr. 55.

Eigedomar

Nr.	Bilde	Om eigedomen
6	Foto: Roy Olsen (2016).	Gnr. 53/188, tidl. festenr. 69 Skild frå bnr. 1 i 1990 til Trygve Mæland. Forretningsbygning, Bø fotosenter, Fotograf Mæland, nedlagd 2022. Eigar frå 2022, Borghild Mæland.
9	Foto: Roy Olsen (2024).	Gnr. 53/211 Horisontaldelt tomannsbustad.
11A–E	Foto: Roy Olsen (2024).	Gnr. 53/300, tidl. festenr. 41 Bolighus med 6 leilegheiter sett opp ca. 2013.
13A–G	Foto: Roy Olsen (2024).	Gnr. 53/257, Sameige Bø panorama, bolighus med 7 leilegheiter bygd ca. 2012.
15	Foto: Roy Olsen (2025).	Gnr. 53/210, tidl. festenr. 51 Einebustad.
17	Foto: Roy Olsen (2025).	Gnr. 53/201 Einebustad.
19	Foto: Roy Olsen (2025).	Gnr. 53/233 Einebustad.
23/25, 27	Foto: Roy Olsen (2025).	Gnr. 53/1/57 Leigetomt under Bø prestegard. Frå 1954, «Telemark offentlege landsgymnas og Bø statsrealskule» (Landsgymnaset). Frå 1964, Bø gymnas, og frå 1980, Bø vidaregåande skule. Nr. 27 er skulens idrettshall/fleirbrukshall på 2 250 m², innvia i august 2013.
39A–D, 41A–F	Foto: Roy Olsen (2024).	Gnr. 53/314 Gymnasbakken II borettslag med 10 leilegheiter bygd 2016. Eit hus (39) med 4 einingar og eit (41) med 6 einingar.
43/45/47	Foto: Roy Olsen (2024).	Gnr. 53/311, 312, 313 Rekkehus med 3 einingar bygd i 2016.
49, 51	Foto: Roy Olsen (2025).	Gnr. 53/310 Gymnasbakken I borettslag, to hus, kvart med 4 leilegheiter bygd ca. 2015.
55	Foto: Roy Olsen (2024).	Gnr. 53/203 Bø Bedehus, sett opp i 1933. Eigar, Bø Normisjon. I 2008–2009 blei bedehuset ombygd og påbygd etter teikningar av arkitekt Håvard Gjernes hos Lokale arkitekter på Gvarv. Byggmeister var Håvard Aabø.
57	Foto: Roy Olsen (2025).	Gnr. 53/127, «Østvold» Einebustad. Tomta blei skild frå bnr. 49 i 1972. Svein Haugen kjøpte tomta og sette opp huset i 1972.
59	Foto: Roy Olsen (2025).	Gnr. 53/49 Opphaveleg bustadtomt på 3 da skild frå bnr. 2, Østtveit, i 1946 og kjøpt av Jørund H. Verpe. Stugubygning og uthus blei sett opp i 1949. Eigar frå 1988, sonen, Hans J. Verpe. Eigar frå 2002, Svein Haugen. Stugubygningen blei skild frå i 2021 med bnr. 328.
61	Foto: Roy Olsen (2024).	Gnr. 53/328 Einebustad. Tidlegare Oterholtvegen 1. Skild frå bnr. 49 i 2021. Skøyte 2021 frå Svein Haugen til Ane Strønen Pedersen.