Hardanger Fartøyvernsenter
Hardanger Fartøyvernsenter (HFS) er ei stifting som samstundes er både eit museum og eit levande verft i Norheimsund i Hardanger. Stiftinga vart etablert i 1984 og har mange ulike tenester innan fartøyvern, nybygging og restaurering av klinkbygde småbåtar, og museumsverksemd. Ho er óg aktiv innanfor attføring av vanskelegstilt ungdom, lærlingeplassar, leirskule og reiseliv. Sidan 2007 er senteret ei eining i Hardanger og Voss museum. Norsk Kulturarv tildelte HFS og SJ «Mathilde» Olavsrosa i 1999.
HFS eig tre farty, hardangerjakta Mathilde, motoryachten Faun og kutteren Vikingen. I 1996 fekk senteret status som nasjonalt kompetansesenter for fartøyvern av Riksantikvaren, og det er godkjend av staten som offentleg barnevernsinstitusjon.
Verftet er navet i HFS sin verksemd. Her gjeras det praktiske restaureringsarbeidet, ofte er det store og krevjande restaurerings- og dokumentasjonsoppdrag. Restaureringa fylgjer antikvariske retningsliner, så lite som mogleg skiftes ut og det som vert skifta blir erstatta av material med same kvalitet og lik handverksmessig utføring som det gamle. Målsetjinga er at fartøya skal vernast som flytande kulturminne. Eit anna viktig mål er å føre handverkskunnskapen som elles ikkje er aktuell i vanlege kommersielle samanhengar vidare. I 2003 hadde verftet 22 tilsette: ein skipsingeniør, trebåtbyggjarar, reipslagar, fartøyvernkonsulentar og mekanikar/smed. På verftet kan óg opp til seks lærlingar væra tilsett.
Ulike oppgåver innan båtbygging, restaurering, trearbeid på stålfartøy, smed- og mekanisk arbeid, reipslaging, rigging av seilfartøy, synfaring og tilstandsvurdering av fartøy og prosjektering utføras av HFS.
Farty HFS har arbeidd på
- Hardangerjakta SJ «Mathilde», bygd 1884. Eigar: Hardanger Fartøyvernsenter.
- Galeasen SG «Svanhild», bygd 1889. Eigar: Stiftinga Svanhild.
- MK «Heland», bygd 1937. Eigar: Sunnmøre museum.
- Ryfylkejakta SJ «Brødrene af Sand», bygd ca. 1840. Eigar: Ryfylkemuseet.
- Kutter MK «Samhald», bygd om til fritidsbåt.
- Kutter MK «Vikingen», bygd 1915. Eigar: Hardanger Fartøyvernsenter.
- Engelskkuttaren MK «Idsal», (ex Christine) bygd 1874. Eigar: Stiftelsen M/K Idsal.
- MK «Solstrand», bygd 1936. Eigar: Flekkefjord Museum.
- MY «Faun», bygd 1916. Eigar Hardanger Fartøyvernsenter.
- Hjuldamperen DS «Skibladner», bygd 1854/56. Eigar: A/S Oplandske Dampskipsselskap. Dekk, innreiing.
- Skonnerten «Svanen», bygd i 1921. Eigar: Norsk Maritimt Museum
- Turistferja MB «Bitihorn», bygd i 1912. Eigar: A/S Jotunheimen og Valdresruten Bilselskap.
- Fiskefartøyet MS «Hindholmen», bygd i 1916. Eigar: Stiftinga M/S Hindholmen.
- Rutebåten MS «Atløy», bygd i 1931. Eigar: Kystmuseet i Sogn og Fjordane. Dekk og innreiing.
- DS «Børøysund», bygd i 1908. Eigar: Norsk Veteranskibsklub. Innreiing.
- MS «Midthordland», bygd i 1947. Eigar: Det Midthordlandske Dampskibsselskap. Dekk og innreiing
- DS «Oster», bygd 1908. Eigar: Nordhordland Veteranbåtlag. Innreiing
- DS «Styrbjørn», bygd 1910. Eigar: Norsk Veteranskipsklub. Innreiing m.m.
- MS «Granvin», bygd 1931. Eigar: Veteranskipslaget Fjordabåten. Skifta dekk.
- Motorkutteren MK «Folkvang», bygd i 1911. Eigar: Astafjord kystlag. Ny rigg.
- Havforskningsskipet DS «Hansteen», bygd 1866. Eigar: Stiftelsen D/S Hansteen. Innreiing.
- Hønerævskøyta SS «Kaia», ukjent byggeår. Eigar: Stiftelsen Haugesjøen.
- Fiskefartøyet MS «Hindholmen», bygd 1916. Eigar: Stiftinga M/S Hindholmen. Innreiing, dekk.
- Losskøyta «Rakel». Diverse arbeid på dekk og dekkshus.
- DS «Stord 1», bygd 1913. Styrehus. Dekksalonger (dame salong og røykesalong). Første klasse salong under dekk akter. Tredekk.
- MS «Stangfjord», bygd 1933. Eigar: Askvoll kommune
- Agentbåten MS «Arnafjord», bygd 1937. Eigar: Stiftelsen M/S Arnafjord i Vik i Sogn
Utmerkingar
- 1989 - Forbundet KYSTEN sitt landsstemne: Best restaurerte dekka fartøy (istandsetjing av hardangerjakta Mathilde).
- 1995 - Forbundet KYSTEN sitt landsstemne: Beste kopibygde småbåt.
- 1997 - Den norske båtbransje sin pris.
- 2000 - Forbundet KYSTEN sitt landsstemne: Beste håndverker (istandsetjing av SJ «Brødrene af Sand»).
- 2001 - Scandinavian Travel Award - Beste turistprodukt i Norden. Det tyske forlaget Nordis.
- 2005 - Forbundet KYSTEN sitt landsstemne: Best restaurerte fartøy (istandsetjing av MY «Faun»).
Båter i Tradisjonsbåtregisteret
Kilder og litteratur
- Hardanger Fartøyvernsenter sitt nettsted
- Hardanger Fartøyvernsenter på Olavsrosa sine nettsider
- Første versjon av artikkelen er henta fra Preus museums register over norske fotografer.
- Hardanger og Voss museum, Hardanger fartøyvernsenter på Digitalt museum.
- Hardanger og Voss museum, Hardanger fartøyvernsenter på KulturNav