Hol historielag
,_Hol_museum,_Buskerud_-_Riksantikvaren-T059_01_0057.jpg)
Hol historielag er eit historielag i Hol kommune i Hallingdal. Laget vart stifta i 1987 og utgir årboka Under Hallingskarvet som kom fyrste gong i 2005.
I 2019 hadde laget 410 medlemmer, inkludert familiemedlemmer. Medlemstalet har auka sterkt dei siste ti åra og ligg no stabilt over 400.
Føremål og aktivitetar
Laget har til føremål:
- a) å fremja kjennskapen til Hols historie ved å arbeida for auka kjennskap om gamal kultur, tradisjonar, arbeidsliv og levesett i kommunen
- b) å arbeida for å ta vare på fornminne og kulturminne
- c) å samla opplysningar og stoff om lokalhistorie, også i samarbeid med museum og bygdearkivet i Hol.»
Historielaget i Hol driv mellom anna med registrering av kulturminner og istandsetting av desse. Laget har til dømes arbeidd med å få rydda og merka den gamle Kyrkjevegen mellom Vats og Hol. Gamle husmannsplassar har òg vorte rydda. Historielaget har dessutan vore ein pådrivar for å verne gamle gravminne.
Laget skipar til møter med lokalhistoriske tema, vandringar i alle bygdelag, turar til kulturminne i kommunen og turar til andre delar av landet.
Ei av dei fyrste oppgåvene laget tok fatt på, var arbeidet med å få reist eit minnesmerke etter Kristian Øvrevollseie. Historielaget blei òg med på innsamlingane av stadnamn og SEFRAK-registreringane. Samarbeid om det nye lokalhistoriske arkivet var alt frå starten ei viktig oppgåve. I samband med dette byrja laget å samle inn gamle foto.
Det har også vore arbeidd med å få eldre i bygdene til å skrive ned livssoga si.
Publikasjonar
Formidling av lokalhistorie har vore ein hovudaktivitet, og laget har gitt ut desse bøkene/heftene:
- Dymbe, Bjørn: Gamle Hol i penn og pensel. Utg. Hol historielag. 2015. 119 s. ISBN 978-82-999172-9-2. Digital versjon på Nettbiblioteket.
- Gamle tufter i Sudndalen. Utg. Hol historielag. 2013. Digital versjon på Nettbiblioteket.
- Medhus, Knut (red.): Bak rattet : bussar i Hol gjennom tidene. Utg. Hol historielag, 2010. 112 s. Digital versjon på Nettbiblioteket.
- Medhus, Knut: Lokalhistorisk vegvisar for Holsbygda, Mogrenda, Vestlien og Holsåsen. Utg. Hol historielag. 1999. 167 s. Digital versjon på Nettbiblioteket.
- Medhus, Knut og Eivind Østbye: Lordane Garvagh - pionerar i fjella våre. Utg. Hol historielag. 2013. Digital versjon på Nettbiblioteket.
- Medhus, Osvald: Vår nære fortid. Utg. Hol historielag, 2013. 160 s. Digital versjon på Nettbiblioteket.
- Odden, Olav Slåtto: Nils Slåtto (1904-1944) : ei minnebok. Utg. Hol historielag, 2012. 64 s. Digital versjon på Nettbiblioteket.
- Skogheim, Arne: Den mangfaldige Ulf Kløve : «Trollmann i turisme». Utg. Hol historielag. 2012. Digital versjon på Nettbiblioteket.
- Under Hallingskarvet. Utg. Hol historielag. Årg. 1 (2005)-.ISSN 1890-0011.
- Ødegård, Torleiv ofl.: Pionérfotografane i Hol. Utg. Hol historielag, 2014. 336 s. Digital versjon på Nettbiblioteket.
Leiarar
- Per Bremnes 1987-88
- Harald Dalen 1988-89
- Per Bremnes 1989-1991
- Harald Dalen 1991-94
- Lars Nygard 1994-95
- Sigmund Lauvrud 1995-96
- Maria Søndrål Wick 1996-98
- Reiar Aasberg 1998-2003
- Knut Medhus 2003 til dags dato
Kjelder og litteratur
- Opplysningar fra historielaget (Landslaget for lokalhistorie si lagsundersøking 2019).