Kjervik (Jostedalen)
| Kjervik | |
|---|---|
| Alt. namn: | Kreken, Kjærvik, Viki |
| Stad: | Jostedalen |
| Sokn: | Jostedalen |
| Fylke: | Vestland |
| Kommune: | Luster |
| Gnr.: | 198 |
Kjervik (Luster, gnr. 198) er ein matrikkelgard i Jostedalen, Luster kommune. Garden ligg i Krekagrendi på austsida av Jostedøla og grensar i sør mot Ytri og i nord mot Kreken.
Frå Kreken til Kjervik
Garden er nemnd i den eldste skattelista etter øydetida (1596) med namnet Krigen. «Kreken» (Kregen) var det vanlege namnet på garden den fyrste tida, men i andre halvdel av 1600-talet tok Kjervik over (Kervig, Kiervig(en)). På 1700-talet kom så Kregen i bruk som namn på grannegarden Kjeppe (sjå Kreken). Det lokale namnet på garden har iallfall i nyare tid vore Viki.
Bruk
Kjervik og grannegarden Ytri i sør var opphavleg ein gard. Mot slutten av 1630-åra vart så Ytri utskild som eige bruk. Gardane vart likevel matrikulerte i lag fram til 1838-matrikkelen då dei fekk kvar sine matrikkelnummer. Gjennom mange år på 16- og 1700-talet var det rot med skyldtala på dei to gardane.
Seinare bruksdeling:
- Bnr. 1 Tuften - fråskild bnr. 2 Viki ved delingsforretning 9.6.1859
- Bnr. 2 Viki - det opphavlege bruket
- Bnr. 3 Berget - rydda kring 1877, fråskild bnr. 1 Tuften ved delingsforretning 15.5.1891
- Bnr. 4 Nordberg - rydda kring 1872, fråskild bnr. 2 Viki ved delingsforretning 10.6.1898
Husmannsplassar
Det har vore to husmannsplassar under Kjervik:
- Iverolaplassen - rydda kring 1875, plass under bnr. 1, nedlagt alt kring 1879
- Nordberg - rydda krign 1872, plass under bnr. 2, fråskild i 1898 som bnr. 4 Nordberg
Personar frå Kjervik
- Knut Erikson Kjervik (1766-1847), gardbrukar.
Kjelder og litteratur
- Viig i folketelling 1801 for Jostedal prestegjeld fra Digitalarkivet.
- Kjærviken i folketelling 1865 for Jostedal prestegjeld fra Digitalarkivet.
- Kjærvik (Viken) i folketelling 1900 for Jostedal herred fra Digitalarkivet. (Viki, det opphavlege bruket.)
- Viken i folketelling 1910 for Jostedal herred fra Digitalarkivet. (Viki, det opphavlege bruket.)
- Laberg, Jon. (1944). Jostedal. Ei stutt utgreiding um bygdi og folket der. Tidsskrift utgitt av Historielaget for Sogn (nr. 11), 5-85. (Digital utgåve, Jostedal historielag)
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune. Digital versjon på Nettbiblioteket. S. 486-516.
- «Kjervik», Gardsleksikon, Fylkesarkivet i Sogn og Fjordane