Liste over notbøteri i Spjelkavika

Nedanfor er ei liste over notbøteri i Spjelkavika i Ålesund kommune. I Spjelkavika låg det åtte notbøteri langs med Åsefjorden. Desse nothenga vart starta som eit resultat av at snøre og garnfabrikkane Ålesunds slyngefabrikk og Spilkevig's snøre- not- & garnfabrik starta notlin og garnproduksjon basert på vasskrafta i Spjelkavikelva.

Etter kvart som ansatte frå Spilkevigs fann ut at dei ville starte for seg sjølv vart det gjerne oppstart gjerne i eige naust i fjøra langs Åsefjorden. Då dei store sildeåra kom i 1946 og framover vart det ei rivande utvikling for alle nothenga med mykje og hektisk arbeid med mottak for reparasjon, tørking, barking og lagring av nøter. Etter kvart vart det òg eit behov for lagring av doryar når snurparane la om drifta til anna etter endt sesong. Etter kvart vart snurpenøtene produsert i nylon og ringnota tok over, dette førte til at berre dei største bøteria overlevde med reparasjonar og produksjon av ringnøter.

Navn	Oppretta	Nedlagt	Eigar	Merknad
Hjellens notbøteri	1932	1968	Joakim Hjellen	Freda, hadde og dorynaust
Alvik		1961	John Alvik	Brann ned i 1961
Sunde & Bakken	1947		Petter Sunde og Halfdan Bakken	Utvida med plastproduksjon. Brann ned
Br. Sunde				Utvikla seg til Br.Sunde. Hadde og dorynaust, på Tørla
Mittet				Avdeling av H.P Mittet, hadde og dorynaust
Erik Foss og sønner	1946	2016		Siste eigar var Mørenot AS, hadde og dorynaust
Bern Spjelkaviknes				Hadde og dorynaust, på Sandingane
Thomas Skytterholm				Hadde berre notheng,det var heller ikkje kai og barkeri her