Olina Solheim
Olina Solheim (fødd på Fauske i Naustdal 23. oktober 1835, død 2. januar 1938) vart over 102 år gammal. I over 40 år var ho husmannskone på plassen Hogane under Solheim (bnr. 1) i Naustdal.
Ho var ikkje gamle jenta då ho vart sendt til skogs for å geite smalen. Då møtte ho både gråbein og andre rovdyr. Som ung kom ho til Ulltang, ein gard som ligg midt mellom Førde og Naustdal. Seinere tente Oline på Hellevik ved Flora, der ho mellom anna drog not.
Ho vart i 1872 gift med Elias Olsen Solheim (1847-1903). Ekteparet på Hogane fekk døtrene Oliana Bergit (f. 1871) og Nikolina Johanna (f. 1875). Det var mykje tungt arbeid for Oline og mannen; dei bar mellom anna høy heim frå fjellet. Ho arbeidde òg på gardene.
I 1915 flytta ho til dottera i Bergen. I samband med 100-årsdagen i 1935 vart ho intervjua av Bergens Tidende. Ifølgje overskrifta var ho «byens eldste». Året etter vart Olina Solheim intervjua av Theodor Bernhoft Osa i NRK, og innslaget vart sendt i programmet Hva Nu.
Også to av syskena vart gamle.
Kilder og litteratur
- Bergens Tidende, 19. oktober 1935: «Byens eldste. Olina Solheim fyller 100 år».
- Firda Folkeblad, 26. oktober 1937: «102 år».
- Kleiveland, Geir: Naustdal bygdebok : gards- og ættesoge. B. 2 : Gnr. 100-153, Naustdal sogelag 1997. Digital versjon på Nettbiblioteket, s. 176.
- Olina Olsdtr i folketeljinga 1900 for Naustdal herred frå Digitalarkivet
- Oline O. Solheim i folketeljinga 1910 for Naustdal herred frå Digitalarkivet
- «Slik høres stemmen til en dame født i 1835 ut» (NRK Beta).
Eksterne lenker
|
På Lokalhistoriewiki skriver vi artikler om hundreåringer. Vi oppfordrer historielag og enkeltpersoner til å bli med på denne dugnaden. Vi ønsker både bilder og tekst om personene. Flere artikler og bilder finner du i denne alfabetiske oversikten. |