Pesaḥ (hebraiskפֶּֽסַח) eller jødisk påske er ei jødisk høgtid som blir feira i sju eller åtte døgn om våren. Pesaḥ har ein del av opphavet sitt i ei jordbrukshøgtid, men hovuddelen av feiringa er til minne om utgangen av Egypt slik han er skildra i sefer Sjemót (2. mosebok). Under pesaḥ et ein ikkje gjæra mat av dei fem kornslaga, som svarar til dei ulike slaga kveite (inkl. spelt m.fl.), rug og bygg. Den første kvelden eller dei første to kveldane har ein et symbolsk måltid som tradisjonelt blir kalla haggadá blant portugisarjødar og seder blant asjkenazím.
