Spjelkavik kyrkje
| Spjelkavik kyrkje | |
|---|---|
| Stad: | Moa |
| Byggeår: | 1987 |
| Bispedøme: | Møre |
| Prestegjeld: | Spjelkavik |
| Fellesråd: | Ålesund |
| Sokn: | Spjelkavik |
| Arkitekt: | Alf Apalseth |
| Materiale: | Betong og teglstein |
| Sitteplassar: | 500 |
Spjelkavik kyrkje ligg på Moa i Ålesund kommune og vart vigsla i 1987. Arkitekten var Alf Apalseth, og det er ei sekskanta kyrkje oppført i betong med forblending av teglstein. Kyrkja har 500 sitjeplassar. Spjelkavik kyrkjelyd har omlag 17500 medlemmer og er dermed landets største. Kyrkja høyrde til Spjelkavik prestegjeld.
Innreiing
Kyrkja har glasmåleri med 96 ruter av kunstnaren Håkon Bleken. Rutene omkransar det sekskanta kyrkjerommet og viser første delen av Jesus liv, påskeveka, dei første forteljingane i det gamle testamentet, Israel sin historie, pinsa og akopalypsen. Glasmåleria vart utarbeide mellom 2002 og 2009. Over alteret heng skulpturen det nye Jerusalem av Tore Bjørn Skjølsvik, han har og utført eit par andre bronseskulpturar i kyrkjerommet.
Utvendes
Moa urnelund ligg ved kyrkja. Det er og reist eit minnesmerke for 22 juli-ofra og ei byste av diktaren Arnold Eidslott
Kjelder
- Håkon Bleken: glassmalerier i Spjelkavik kirke. Utg. Stiftelsen Kjell Holm. Ålesund. 2014. Digital versjon på Nettbiblioteket.