Torsbergåsen (veg i Bø i Telemark)

Parti frå Torsbergåsen.

Foto: Roy Olsen (2017).

Torsbergåsen er ein 228 meter lang blindveg på Nordbø i Bø i Midt-Telemark kommune. Vegen går aust- og nordover frå Huldrevegen i Torsbergåsen bustadfelt som består av 11 einebustader.

Vegen blei namnsett i 1999. Kva som ligg til grunn for namnet Torsbergåsen, veit ein ikkje, men det kan skuldast ei mistyding. Namnet er ikkje kjent frå gamalt av, men det er derimot Torskåsåsen. I 1825 kjøpte Halvor Torsteinsson på Nordistugu Nordbø Huldrejordet og Torskåsåsen frå Oppistugu Nordbø ifølgje Bø-soga.

Ørnulf Nordbø (1925–2009), som budde i Nistugu Nordbø heile livet, meinte namnet Torsbergåsen var feil, og at det rette var Torskåsåsen.

Vegen hadde tidlegare også ei nordgåande grein. Denne fekk endra namn til Huldrevegen (etter Huldrejordet) i 2021.

Sjå også

• Vegar i Midt-Telemark kommune

Kjelder

• Kommunekart: Torsbergåsen
• Henneseid, Stian. Bø-soga. Utg. Kommunen. 1982-1986?. 1982. Digital versjon på Nettbiblioteket. s. 206 og 208.