Flitabakken

Flitabakken i Bø i Midt-Telemark kommune er ein 115 meter lang blindveg i Flitafeltet i Breisås bustadområde som går sørover frå Oppheimvegen.

Flitabakken sett sørover.

Foto: Roy Olsen (2017).

Vegen har namn etter den tidlegare garden Flita og blei namnsett i 2007. Busetnaden består av ni einebustader. Før 2007 hadde dei adresse til Oppheimvegen 7–23.

Flitafeltet blei sett i gang i 1966 som det fyrste bustadfeltet i Breisås bustadområde.

Eigedomar

Nr.	Bilde	Om eigedomen
1	Foto: Roy Olsen (2025).	Gnr. 51/53, «Flita» Hus med 3 bueiningar. Anund Myre fekk tomta på ca. 1 da ved festekontrakt i 1952, og sette opp huset i 1954. I 1956 kjøpte Einar Veirud huset, og han selde i 1958 til Bernt Brandt. I 1959 kjøpte så Anders Uglem eigedomen. Tidlegare Oppheimvegen 7.
2	Foto: Roy Olsen (2025).	Gnr. 51/72, (tomt 73) Einebustad med sokkelleilegheit. Lærar Andres O. Jørgedal (1908–1989), g. m. Åsne Igletveit frå Seljord, kjøpte tomta av kommunen i 1964 og bygde huset året etter. Tidlegare Oppheimvegen 23.
3	Foto: Roy Olsen (2026).	Gnr. 51/55, (tomt 61) Hus med 3 bueiningar. Sjåfør Paul Romnes (1945), g. m. Marit Romnes frå Porsgrunn, kjøpte tomta av kommunen i 1970 og sette opp huset som sto ferdig året etter. Tidlegare Oppheimvegen 9.
4	Foto: Roy Olsen (2026).	Gnr. 51/131, (tomt 74) Einebustad. Signe Haugen (f. 1910) kjøpte tomta av kommunen i 1971. Tidlegare Oppheimvegen 21.
5	Foto: Roy Olsen (2026).	Gnr. 51/56, (tomt 60) Einebustad med sokkelleilegheit. Jernbanearbeidar Halvor Klokkerstuen kjøpte tomta og bygde huset i 1972. Tidlegare Oppheimvegen 11.
6	Foto: Roy Olsen (2026).	Gnr. 51/71, (tomt 75) Einebustad. Jernbanearbeidar Olaf Andersen kjøpte tomta av kommunen i 1964 og bygde huset same året. Tidlegare Oppheimvegen 19.
7	Foto: Roy Olsen (2026).	Gnr. 51/59, (tomt 56) Einebustad med sokkelleilegheit. Tidlegare Oppheimvegen ??.
8	Foto: Roy Olsen (2026).	Gnr. 51/37, «Frydenlund» Vertikaldelt tomannsbustad. Dette er husestaden for Flita, bnr. 5. Eivind Eckbo jr. fekk skøyte på Flita i 1949, og frå 1950-åra blei eigedomen utlagd til tomter. Denne tomta, som fekk namnet Frydenlund er på ca. 2 da og blei kjøpt av Aksel og Sønnøve Bakke i 1964. Som artigfakta kan ein nemne at naboeigedomen til Frydenlund, bnr. 38, fekk namnet «Ringnes». Tidlegare Oppheimvegen 17.
9	Foto: Roy Olsen (2026).	Gnr. 51/38, «Ringnes» Einebustad. Tidlegare Oppheimvegen 15.

Sjå også

• Vegar i Midt-Telemark kommune

Kjelder

• Bø kommune, Plan, teknikk og næring, Sak nr. 085/07 21. august 2007.
• Kommunekart: Flitabakken
• Kartverket, Eiendomsregisteret: Flitabakken
• Henneseid, Stian. Bø-soga. Utg. Kommunen. 1982-1986?. 1982. Digital versjon på Nettbiblioteket s. 480–483 (Oppheinvegen).