Anders Larsen Vassenden (1891-1961)

Anders Larsen Vassenden var lensmann i Sund og Austevoll lensmannsdistrikt frå 1917 til 1959.

Foto: Ukjent

Anders Larsen Vassenden (1891-1961) (fødd på Voss 15. februar 1871, døydde i Øygarden kommune 18. juli 1961) var lensmann i Sund og Austevoll lensmannsdistrikt frå 1917-1942 og frå 1945 til 1959.

Utdanninga hans var folkehøgskule, handelsskule, underoffiserskule og politiskule. Han var politikonstabel i Bergen ei kort tid før han i 1913 vart lensmannsbetjent hos lensmann Fritjov Schaathun (1872-1917) i Sund og Austevoll lensmannsdistrikt. Han overtok lensmannsombodet då Schaathun døydde i 1917.

27. juni 1942 vart han teken som gissel av Gestapo og plassert i Bergens Kretsfengsel, men overført til Grini fangeleir 1. juli. I 1943 vart han send til konsentrasjonsleir i Tyskland. Han overtok lensmannsstillinga igjen i 1945.

Vassenden var medlem i Sund heradstyre i tre periodar, sat i Forliksrådet i mange år og var styreformann i Sund og Austevoll Sparebank i ein lang periode. Frå 1921 til 1948 (?) var han kasserar i banken. Dottera Borghild Vassenden Kleppe var kasserar medan faren sat i tysk fangenskap. Vassenden vart tildelt Kongens fortjenestmedalje 1. juli 1959.

Kjelder og litteratur

• Clausen, Conrad og A. L. Vasenden: Lensmennene i Hordaland. Utg. Hordaland lensmannslag. Stavanger. 1950. Digital versjon på Nettbiblioteket.
• Norsk digitalt fangearkiv
• Skage, Mikkel Nilsen: Sund og Austevoll sparebank 50 år: 1896-1946. Bergen 1946.

Denne sida er ei spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!