Herøy kommune (Møre og Romsdal)
Herøy kommune er ein av kommunane på Sunnmøre i Møre og Romsdal. Kommunen grensar mot Volda, Vanylven, Sande og Ulstein kommunar.
| Herøy kommune | |
|---|---|
| |
| Basisdata | |
| Kommunenummer | 1515 |
| Fylke | Møre og Romsdal |
| Kommunesenter | Fosnavåg |
| Areal | 119.51 km² |
| Areal land | 118.01 km² |
| Areal vann | 1.5 km² |
| Folketall | 8 842 (2023) |
| Målform | nynorsk |
| Nettside | Nettside |
| |
| Herøy rådhus i Fosnavåg Foto: Jan-Tore Egge
| |
Herøy kommune er delt i to av Herøyfjorden. Kommunen har seks tettstader, Kvalsvik, Kvalsund, Remøy, Moltustranda, Tjørvåg og Fosnavåg. Administrasjonssenteret ligg i Fosnavåg. Det er tre kyrkjer i Herøy, Leikanger kyrkje, Indre Herøy kyrkje og Herøy kyrkje.
Fjordmannsleia er ei kulturminneløype som har blitt sett saman i Herøy i samband med Kulturminneåret 2009. Ho går frå Måløysundet i søraust, om nes og holmar, under bruer og heilt nordvest til Flåvær fyr.
Herøy kystlag og Herøy museumsbåtlag held til i kommunen.
Administrasjonshistorie
Kommunereforma 2014–2018
Torsdagen den 8. desember 2016 skreiv ordførarane i Sande og Herøy kommunar under intensjonsavtalen om å slå saman dei to kommunane. Namnet låg an til å verte det nyskapte Havøy kommune, og Fosnavåg var det planlagte kommunesenteret.[1] I folkeavstemninga 27. februar 2017 vart det nei til Havøy kommune i både Sande og Herøy. I Herøy deltok berre 21 prosent av dei røysteføre, og av desse var det 52 % som stemte nei.[2]
Fotnotar
- ↑ «Herøy og Sande blir «Havøy»» på Smp.no, publ. 08.12.2016
- ↑ Kommunal rapport: «Nei til Havøy kommune» (publisert 7. april 2017).
Eksterne lenkjer
|
