Knut Hoff (1912–1994)
Knut Hoff (fødd 16. juni 1912, død 15. april 1994) var lærar, rektor, fylkesskolesjef, ordførar og lokalhistorikar[1].
Han vart fødd i Veggli i Rollag kommune, og foreldra hans var Kirsti Olsdotter Tveiten (1882–1938) og bonde, likningssekretær og trygdekasserar Ulrik Knutsson Hoff (1886–1963).[2][3] I 1950 vart han gift med Aase, født Lange Høie.
Knut Hoff tok eksamen ved Notodden lærarskole i 1935[4] og examen artium 1943[5]. I 1947 var han ved Askov Højskole i Danmark med stipend. Han hadde óg andre stipendreiser i Danmark, Sverige og Tyskland.
Hoff var fyrst tilsett ved Sande framhaldsskole, så ved Grorud skole i Oslo, Nordmøre folkehøgskole og Gudbrandsdalen folkehøgskole, før han vart tilsett som rektor ved Numedal folkehøgskole i heimkommunen Rollag i 1952. [6] Han satt i stillinga til 1971, då han vart fylkesskulesjef i Buskerud, ein posisjon han hadde fram til han gjekk av med pensjon i 1980. Han var busett i Hokksund. [7]
Knut Hoff var aktiv lokalpolitikar og vart innvald i heradstyret i Rollag i 1945.[4] Han var ordførar i Rollag 1964–1965 (Ap).[8]
Knut Hoff skreiv fleire lokalhistoriske arbeid. I 1981 gav han ut 75-årssoga til Numedal folkehøgskole Numedal folkehøgskole 75 år. Vegen frå amtsskole til folkehøgskole.
Etter at han vart pensjonist, arbeidde han med eit bygdeboksverk for Rollag kommune.[7] Han gjorde ferdig fire av fem band av dette verket før helsa svikta og han måtte gje opp arbeidet.[9] Det siste bandet vart skrive av Even Tråen.[10]
Knut Hoff fekk Kongens fortenstmedalje i gull i 1980.[11]
Referansar
- ↑ Knut Hoff i Døde 1951 - 2014 fra Digitalarkivet
- ↑ https://media.digitalarkivet.no/view/5567/28
- ↑ Hoff, Knut (u.å.): Rollag Bygdebok. Ætt og grad og grend., bd. 2, s. 150
- ↑ 4,0 4,1 Norske skulefolk bd. 1, s. 607. Stavanger: Dreyer, 1952
- ↑ Studentene fra 1943, s.265 . Oslo 1968
- ↑ Hoff, Knut: Numedal folkehøgskole 75 år. Vegen frå amtsskole til folkehøgskole, s. 61. Rollag 1981
- ↑ 7,0 7,1 Aftenposten 16.6.1987
- ↑ Norske skolefolk, b.1, Dreyers forlag, 1966, s. 724
- ↑ Hoff, Knut (u.å.): Rollag Bygdebok. Ætt og gard og grend., bd. 4, s. 7
- ↑ Tråen, Even (u.å.): Rollag Bygdebok. Ætt og gard og grend., bd. 5
- ↑ https://www.kongehuset.no/tildelinger.html?tid=28028&sek=27995&person=&q=&aarstall=&type=27125&start=1600
Litteratur og kilder
- Norske skolefolk. Utg. Dreyer. Stavanger. 1966. Digital versjon på Nettbiblioteket.
- Hoff, Knut. Numedal folkehøgskole 75 år. Utg. Skolen. Rollag. 1981. Digital versjon på Nettbiblioteket.
- «75 år.» Drammens Tidende og Buskeruds blad 1987.06.16. Digital versjon på Nettbiblioteket.