Stranda kommune
Stranda kommune er ein av kommunane på Sunnmøre i Møre og Romsdal og ligg lengst inn i Storfjorden, der han deler seg til Norddalsfjorden og Sunnylvsfjorden. Stranda kommune grensar mot Fjord kommune i nord og aust. Heilt i søraust grensar Stranda mot Skjåk kommune i Innlandet fylke, og i sør mot Stryn i Vestland og Volda i Møre og Romsdal. I vest grensar Stranda mot Sykkylven og Ørsta kommunar. Den noverande Stranda kommune vart oppretta i 1965, då Sunnylven vart samanslegen med gamle Stranda kommune.
| Stranda kommune | |
|---|---|
| |
| Basisdata | |
| Kommunenummer | 1525 |
| Fylke | Møre og Romsdal |
| Kommunesenter | Stranda |
| Areal | 865.77 km² |
| Areal land | 845.5 km² |
| Areal vann | 20.27 km² |
| Folketall | 4 421 (2023) |
| Målform | nynorsk |
| Nettside | Nettside |
Administrasjonssenteret er tettstaden Stranda. Dei større bygdene er Geiranger, Liabygda og Hellesylt. Kommunen har fire kyrkjer, Stranda kyrkje (Sløgstad kyrkje), Sunnylven kyrkje, Liabygda kyrkje og Geiranger kyrkje.
Riksveg 60 går gjennom kommunen, frå Strandafjellet og Sykkylven i nord, gjennom kommunesenteret Stranda, til Hellesylt, vidare sørover til Hornindal.
Kommunen har eige vinmonopol.
Sjå òg
- Gardar i Stranda
- Rasmus Fjørstad, lokalhistorikar i Stranda.
Kjelder og litteratur
- Stranda kommune
- Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.
- «Stranda» i Store norske leksikon