Austefjord kyrkje

Austefjord kyrkje er ei langkyrkje på Fyrde i Austefjorden, Volda kommune i Møre og Romsdal fylke. Kyrkjebygget er i treverk (tømmer) og opphavleg bygd i 1773. Arkitekt var ? Lien. Kyrkja har 150 sitjeplassar. Det er kyrkjegard ved kyrkja.

Oversyn over Fyrde (Austefjorden) med Austefjord kyrkje i framgrunnen 1963

Foto: Widerøe's Flyveselskap

Austefjordkyrkja stod opphavleg som Nes kyrkje i Bjugn prestegjeld. Bygdefolket i Austefjorden kjøpte ho for 2 800 kr. Kyrkja vart henta i april 1879. Samstundes vart ho restaurert og stod ferdig på Fyrde i november same året ^[1]. Mykje inventar følgde med kyrkja frå Nes, men etter kvart er det meste bytta ut. Kyrkjeklokka var ny og er frå 1879. Kyrkja fekk sitt fyrste orgel i 1909, men det vart skifta ut i 1954. Altartavla er måla i 1908 av kunstmålar ? Sjøholm. Kyrkja har vore vølt mange gonger ^[2].

Bilde frå Austefjord kyrkje

Altartavle.
Altarduk, ein av fleire.
Altarduk, Hardangersaum.
Trygdebrev frå Volda Branntrygdelag på Austefjord kyrkje i 1905.

Kjelder

↑ Høidal, Eldar. 2007. Busetnadssoga for Volda bd 3, s. 187.
↑ Ørstavik, Ragnar. 1972. Austefjord kapell.

Eksterne lenker

Austefjord kyrkje på Riksantikvarens nettsted kulturminnesok.no

Austefjord kyrkje er ein del av prosjektet Kulturminneregistrering i Volda og er lagt ut under lisensen cc-by-sa. Lokalhistoriewikis brukere kan fritt redigere og utvide artikkelen. Artiklar i Kjeldearkivet skal ikkje endrast, bortsett frå at lenkjer kan leggjast inn.
Fleire artiklar finn du i denne alfabetiske oversikten og på prosjektforsida.

Koordinater: 62.061783° N 6.325698° Ø

[1] Høidal, Eldar. 2007. Busetnadssoga for Volda bd 3, s. 187.

[2] Ørstavik, Ragnar. 1972. Austefjord kapell.

[1]

[2]