Begna
Begna er ei elv i Valdres. Vassdraget den tilhøyrer renn frå Steinurdalstjern i Vang kommune, på 1429 moh., men namnet Begna får vassdraget fyrst der Ylja renn saman med Otrøelva. Elva munnar ut i Sperillen, og er ei av dei største tilløpselvene i Drammensvassdraget.
Steinurdalstjern har avløp til Tenlefjorden. Derifrå renn Tenla til Otrøvatnet, og frå dette renn Otrøelva vidare til ho møter Ylva og danner Begna. Langs vegen nedover Valdres dannar elva innsjøane Vangsmjøsi, Slidrefjorden og Strondafjorden. I sistnemnde renn også Dalsåni ut, men også lenger ned kallast elva Begna. Nedanfor Strondafjorden, som ligg ved Fagernes, kallast dalen Begnadalen, og i enden av denne renn elva ut i Sperillen. I Begnadalen er elva også kjend som «Storelva» frå Mikkjel Fønhus sin dikting. Distansen er på om lag 213 km, med ein høgdeskilnad på om lag 908 meter.
Frå Sperillen renn Ådalselva vidare til Hænefoss der ho møter Randselva og munnar ut i Tyrifjorden.
Kraftutbygginga i Begna har ei maksimal yting på om lag 326 MW (2003). Det største kraftverket er Åbjøra kraftstasjon i Nord-Aurdal kommune. Tidlegare var Begna også ei viktig fløytingselv.
Namnet kjem frå bygdenamnet Bagn, og er ikkje forklara.
Galleri
<gallery>
Fil:102. Fra Vangsmjøsen, Valdres - no-nb digifoto 20130207 00016 bldsa FA1047.jpg|Vangsmjøsa.
Fil:Fagernæs Valders - NB MS G4 0162.jpg|Strondafjorden.
Kjelder
Koordinater: 61.18966° N 8.21878° Ø