Knut Åsen

Knut Åsen (fødd kring 1565, død kring 1650) var truleg frå Gaupne i Luster i Sogn og Fjordane. Han er nemnt Knut Sjursen, så faren må ha heitt Sjur.

Han vart gardbrukar og leiglending på Åsen før 1600 og dreiv garden fram til kring 1628.

Knut er nemnd som lensmann i Jostedalen fleire gonger fleire av åra mellom 1610 og 1619. Arne Kvitrud skriv at han var lensmann då han 14. mars 1610 vart valt til å delta i hyllinga av Christian 5. Kvitrud har vidare funne ein Knut Sjursen i Åsen nemnt som lensmann i 1611 og åra 1615-1619, så det må ha vore same mannen. Han er dessutan nemnd som lensmann i ei skatteliste frå 1614-15. I 1613 er derimot Ole Myklemyr nemnd som lensmann.

Han var i si tid einaste jordeigaren i Jostedalen, men alle gardpartane var utanfor Jostedalen - La og Elvetun i Hafslo, og Råum og Sandviki i Luster.

Han må ha vore gift, men kona hans er ukjend. To born etter han er kjende:

• Anders Knutson (1596-1653), gardbrukar i Åsen og svigerfar til Ole Arneson Åsen
• Kari Knutsdotter, gardbrukarkone på Sperla.

Litteratur

• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 210. (digital utgåve, NBdigital)
• Kvitrud, Arne. (1999). Luster. Fra pest til hungersnød. 1600 tallet. Stavanger. (Digital utgåve)