Poul Holst Irgens
Hopp til navigering
Hopp til søk
Pål Holst Irgens (fødd ca. 1724, død 1784) kom til Lesja jernverk som «Directeur» og gifta seg i 1757 med Birgitte Marie Reinholdtsdtr. Ziegler, enkje etter førre verkseigaren Hans Jensen Holmboe. I Irgens si tid gjekk drifta ved verket godt, og han kjøpte opp fleire gardar i bygda og Romsdalen. Irgens var òg direktør ved Folldal kopparverk.
I 1767 kosta Irgens nytt tårn og tre nye kyrkjeklokker på Lesjaskog kyrkje, som den gongen stod ved verket.
I følgje ei slektsside på nettet[1] skal Pål vere fødd i 1724 på Røros av foreldra Henning Johannesen Irgens f. 1. april 1698, død 1778 på Røros og Gjertrud Madsdtr. Hage f. 1. mars 1687 i Trondheim, død 16. januar 1752 på Røros.
Litteratur
- Kjelland, Arnfinn: Bygdebok for Lesja bd. 1. Gards- og slektshistorie for Lesjaskogen. Utg. Lesja kommune. 1987. Digital versjon på Nettbiblioteket s. 524 og 576.
- Kleiven, Ivar 1923: Lesja og Dovre s. 124f.