Fossheimvegen (Bø i Telemark)
Fossheimvegen på Langkåshaugen i Bø i Midt-Telemark kommune går vestover frå Oterholtvegen ved eigedomen Krosshaugen til garden Fossheim (gnr. 41/22) og er 743 meter lang. Ei forgreining sørvestover ender ved dei to einebustadene, nr. 26 og 30 og er 486 meter lang. Herifrå går ein traktorveg vestover over jordene til Berglandvegen.
Vegen blei namnsett i 1994, har namn etter Fossheimgrenda og går i jordbrukslandskap. Vegen het tidlegare Krossvegen.
| KROSSVEGEN - ENDRING AV VEGNAMN TIL FOSSHEIMVEGEN
Vegen til Fossheimgrenda har til nå hatt namnet «Krossvegen». Grunnen til at vegen har fått dette namnet er at Krossvegen er eit kjennemerke på Langkåshaugen og det er her vegen til Fossheimgrenda tek av frå Fylkesvegen. Skiltet for vegen har på ei eller anna vis kome bort, slik at vegen ikkje har noko visning i dag. Oppsitjaran i Fossheimgrenda har nå levert inn eit skriv til etaten der dei ber om at vegnamnet blir endra til FOSSHEIMVEGEN. Samtlege oppsitjarar har skrive under dette oppropet, og meiner at Fossheimvegen er meir dekkande og gjev ei betre opplysning for ukjente, i motstning til Krossvegen som vegnamn. Det er Teknisk Utval som tek avgjerd i slike spørsmål i medhald av delegert myndighet som kommunen si vegstyresmakt. | ||
| – Frå eit møtereferat i Teknisk Utval 21. september 1994 | ||
Namneendringa blei samrøystes vedteke.
Kjelder
- Kartverket, norgeskart.no
- Bø kommune, Teknisk utval: Sak nr. 161/94, 21. september 1994.