Georg Ulrich Wasmuth (1788–1814)
Georg Ulrich Wasmuth (fødd i Kristiansund 19. mars 1788, død på Ytterøya 16. oktober 1814) var offiser og eidsvollsmann.
Familie
Foreldra var kjøpmann Christian Fredrik Wasmuth (1753–1805) og Johanne Susanne Holck (1749–1822). Hans farfar, legen Georg Heinrich Ulrich Wedich Wasmuth (1724–1800) hadde innvandret fra Mecklenburg. Familien tilhøyrde eliten av borgarskapet i Kristiansund. Dei hadde i ein herskapeleg bustad på Innlandet, som kjøpmann Wasmuth hadde bygd kring år 1800. Vi finn dei der i folketeljinga 1801, foreldre med to søner og tre døtrer. Men firmaet gjekk konkurs i 1804.[1] Den unge Georg Ulrich var da under utdanning ved Krigsskolen.
Virke
Han byrja i teneste som korporal ved Nordafjelske skiløperbataljon, truleg i 1804, medan han framleis var kadett. Frå 1805 var han offiser og tilsett som fenrik ved 1. Trondhjemske infanteriregiment, 1. gevorbne grernaderkompani. Han fekk sekondløytnants grad frå 1806, premierløytnant to år seinare. Han deltok i felttoget i Jämtland under Krigen mot Sverige 1808–1809. Her ble han utnevnt til ridder av Dannebrogordenen for tappert og treffsikkerhet.[2]
I 1810 kom han til Ytterøyske kompani ved det same regimentet. Han vart kaptein og sjef ved Fosneske kompani i 1800, og kom attende til Ytterøyske kompani som sjef der frå 27. april 1812.
Rett etter den nye kompanisjefutnemninga gifta Wasmuth seg 10. mai 1812 med Mette Jakobine Christine von Hirsch (fødd på By i Stjørdalen 1792, død i Trondheim 1878). Bryllaupet stod i Værnes kyrkje 10. mai 1812. Brura var dotter til major Jobst Conrad von Hirsch og Maria Mantzin Henrici. Dei fekk to døtre, Johanna Maria, fødd 5. mars 1813, død 27. mars same år, og Johanna Susanna, fødd 17. mai 1814, død 7. april 1902 i Trondheim.[3]
Wasmuth vart vald som representant for regimentet til Riksforsamlinga på Eidsvoll. Der vart han rekna til Sjølvstendepartiet, men lite og ingenting er elles kjent om hans standpunkt og verksemd der.
Han deltok i kamphandlingar både i Trøndelag og sør ved Glomma under krigen mot Sverige hausten 1814. Seinare same året døydde han, berre 26 år gammal. Gjennomgådde kjelder opplyser ikkje om dødsårsaka. Han vart gravlagt på Eid kyrkjegard på Ytterøya. Enkja gifta seg i 1818 opp att med løytnant Jens Jacob Sejersted (1796-1844).
Minne
17. mai 1914 reiste kommunene Kristiansund og Ytterøy en bauta over Georg Ulrich Wasmuth, ved Eid kirke. Gravsteinen var da borte. 17. mai 1964 var det en ny høytidelighet, med bekransning og minnetale. Et initiativ om å hedre kaptein Wasmuth med et gatenavn i Kristiansund ble avvist politisk i 2007, men ble bejublet ved grunnlovsjubileet 2014.
Da ble det vedtatt at den rundt 75 meter lange bakken som går parallelt med Thomas Aasgaards gate fra Sundbåtkaia til Bautaveien på Innlandet skulle hete Wasmuthbakken.[4][5]
Referansar
- ↑ Johnsen, A.O. 1958:643, 662-663.
- ↑ Lund/Ranheimsæter, s. 35
- ↑ Adopter en eidsvollsmann
- ↑ Eidsvollsmennene fra Kristiansund: Moses og Wasmuth, Digitalt museum
- ↑ Gata som endelig har fått navn, Tidens Krav, 24. februar 2014
Kjelder og litteratur
- Haukaas, Kaare: Artikkel om Wasmuth i Norsk biografisk leksikon, bind 18, 1977. Digital versjon på Nettbiblioteket.
- Johnsen, Arne Odd: Kristiansunds historie, bd. III. Kristiansund kommune 1958. Digital versjon på Nettbiblioteket.
- Lund, Wilhelm, Ole Olsen Ranheimsæter: Kristiansund for hundre år siden : fotodokumentasjon av Kristiansund rundt 1910 (og tida før), s. 35. Utg. Nordmøre museum. 2019. 264 s. Digital versjon på Nettbiblioteket.
- Ovenstad, Olai: Militærbiografier. Den norske hærs officerer fra 18. januar 1628 til 17. mai 1814. Bind II. Oslo 1949. Digital versjon på Nettbiblioteket.
- Georg Wasmuth i folketelling 1801 for Kvernes prestegjeld fra Digitalarkivet.
- Georg Wasmuth i Historisk befolkningsregister.