Lærvarefabrikken

Lærvarefabrikken var ein produsent av lêrvarer i Sykkylven. Det var Lars L. Tynes som i 1947 etablerte verksemda i lag med Magnus Karlsen. Fabrikken fekk namnet Karlsen og Tynes Porteføljefabrikk. Dei laga vesker for både damer og herrar, shoppingvesker og dokumentmapper. Magnus Karlsen kom frå Nord-Noreg, og han hadde kontakt med ein agent som selde produkta nordafor. Dei starta opp i kjellaren til Ole Bastian Nilsen på Blindheim. Sidan nytta dei nokre år kjellarhøgda i Ludvig Hole sitt hus på Vik.

Etter tre års drift tok Lars L. Tynes over porteføljefabrikken åleine, og han gav bedrifta namnet Lærvarefabrikken. Tynes flytta fabrikken til sitt eige husvære som han hadde bygt på Vik i 1946.

Bedrifta hadde på det meste tre-fire personar i arbeid. Siste åra var det butikkar i Ålesunds-området som var beste kundane.

Verksemda vart avvikla i 1951.

Kjelde

• Høidal, Eldar: Industrisoge for Sykkylven. Sykkylven 1990. Digital versjon på Nettbiblioteket