Liabakken tresko og rivefabrikk

Lars Espeseths Tresko og Rivefabrikk.

Foto: Ukjendt / Sætherskar, Johs. (red.), Det Norske Næringsliv 4: Telemark Fylkesleksikon, Bergen, 1949.

Liabakken tresko og rivefabrikk blei starta av Lars Torsteinsson Espeseth i 1919. Fabrikken låg i Liabakken i Bø i Telemark.

Lars Espeseth kjøpte Liabakken frå Hans Torstveit i 1915. I 1919 starta han opp fabrikken der han frå byrjinga dreiv mest med produksjon av tresko. I 1939 gjekk han over til å også produsere river, noko han gjorde fram til 1955. Treskoa solgte han for det meste til folk i Bø, medan rivene vart solgt i heile distriktet, samt Drammen og Oslo.

Ved landsutstillinga for handverk i Kragerø i 1930 fekk Espeseth 1. premie for treskoa sine.

Eksterne lenker

• Oppføring på Digitalt Museum: Fotografi ved Bø Museum.
• Oppføring på Digitalt Museum: Rive frå fabrikken ved Bø Museum.

Arkiv

Arkivet etter Liabakken tresko og rivefabrikk er registrert som "Lars T. Espesett rivefabrikk" ved Bø Museum, og er registrert i lista over privatarkiv frå Telemark.

Kjelder

• Henneseid, Stian, Bø-soga II, Telemark, Gards- og ættesoga, band II, Skien, 1983.
• Sætherskar, Johs. (red.), Det Norske Næringsliv 4: Telemark Fylkesleksikon, Bergen, 1949.