Louise Elisabeth Astrup (1892–1982)
Louise Elisabeth Astrup (fødd Eilertsen 23. august 1892 i Hvaler, død 15. mai 1982 i Nedstrand) var prestekone.
Ho var dotter av Olava Amine og Amund Eilertsen, faren var skipskaptein. Ho hadde tre yngre søsken.
Ho vart gift 26. juni 1915 med Niels Petersen (1885–1920), han var banksjef i Solum sparebank. Dei hadde tre born, alle døtre: Tove fødd 1916, Erna fødd 1917 og Berit fødd 1920. Den yngste dottera var 5 månader gamal då Niels døydde i juli 1920.
Ho gifta seg opp att året etter, med Johannes Andreas Astrup som då var sokneprest i Beiarn prestegjeld. 7. oktober 1921 vart dei via i Beiarn kyrkje, det var Astrup sin forgjengar i Beiarn, Andreas Steffensen, som foretta. I dette ekteskapet fødde ho sonen Per i 1924.
I 1929 flytta dei til Nedstrand prestegjeld (no Tysvær kommune) då Astrup vart sokneprest der. Her skulle ho bo resten av livet.
Ho vart enke for andre gong då Astrup døydde av lungebetennelse i 1946. I 1954 kjøpte ho eigedomen Solli (bruksnr 12 under prestegarden) for 10 000 kr.
Kjelder
- Norges kirke og presteskap ved 900-årsjubileet. Utg. Hanche. Oslo. 1930. Digital versjon på Nettbiblioteket.
- Amundsen, O. Delphin. Slekten Astrup fra Astrupgaard. Oslo. 1955. Digital versjon på Nettbiblioteket.
- Høibo, Gudrun Johnson. Hvaler bygdebok. Utg. Hvaler kommune. Hvaler. 1980. Digital versjon på Nettbiblioteket.
- Næss, Hans Eyvind. Tysvær. Utg. Tysvær kommune. Tysvær. 2001. Digital versjon på Nettbiblioteket.
- Louise Elisabeth Astrup i Historisk befolkningsregister
| Artikkelen Louise Elisabeth Astrup (1892–1982) er oppretta gjennom delprosjektet Prestefolk i Nordland
Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande. |